Rahul Par Matadaan Ki Gopaneeyata Ullanghan Ka Maamala Naheen Banta Chunaav Aayog

Breaking »

Rahul Par Matadaan Ki Gopaneeyata Ullanghan Ka Maamala Naheen Banta  Chunaav Aayog

File photo File photo Nai Delhi: amethi mein matadaan ke din ek matadaan kendra ke electronic voting machine ke baade mein ja kar 'Matadaan ki gopaneeyata ka ullanghan' karne ke aarop ke baare mein chunaav aayog ne Rahul Gandhi ko aaj clean chit dete hue kaha us samay matadaan naheen ho raha tha, isliye aisa koi maamala naheen banta. mukhya chunaav aayukt VS sanpat ne is maamale ke baare mein poochhe jaane par kaha, 'Koi maamala naheen banta. ' unase savaal kiya gaya tha ki 7 May ko Rahul ne iveeem ke baade mein jaakar kya gupt matadaan ke niyam ka ullanghan kiya tha. sanpat ne bataaya ki aayog ne us chunaav kshetr ke nirvaachan adhikaari evam jila magistrate se aur anya logon se bhi report praapt ki hai. Unase yeh tathya saamane aaya hai ki Rahul jab subah saadhe das baje iveeem baade mein gaye us samay us machine mein kharaabi thi aur vah kaam naheen kar rahi thi. Unhonne kaha ki is ghatna se judi photo kheenchne vaale ek akhbaar ke photographer, anya ummeedavaaron ke poling agenton tatha anya micro paryavekshakon se baat karne par paaya ki 'Us samay vahaan koi matadaan naheen ho raha tha. ' mukhya chunaav aayukt ne kaha, 'Rahul us machine ko dekhne gaye the jo kaam naheen kar rahi thi. Jab vah vahaan gaye, tab vahaan koi matadaan naheen ho raha tha. Koi maamala naheen banta hai. ' in shikaayaton par ki Rahul ek se adhik iveeem baadon mein gaye, unhonne kaha ek ummeedavaar ke roop mein vah anya matadaan kendron par gaye. Shikaayat keval ek iveeem baade ke baare mein hi thi. aath May ko akhbaaron mein photo chhapi theen jinmein Rahul ko iveeem machine ke baade ka nireekshan karte dikhaaya gaya tha. Ise lekar kaafi vivaad hua aur aayog se Congress upaadhyaksh ke khilaaf kaarravaai ki maang ki gayi.

Rahul Par Matadaan Ki Gopaneeyata Ullanghan Ka Maamala Naheen Banta Chunaav Aayog http://www.angrejinews.com/pic/50184