Rahul Ne Pradesh Pramukhon Se Kaha, Daftar Se Baahar Niklein

Breaking »

Rahul Ne Pradesh Pramukhon Se Kaha, Daftar Se Baahar Niklein

Nai Delhi: Congress upaadhyaksh Rahul Gandhi ne party ke pradesh pramukhon ke liye samayabaddh lakshya tay karte hue yah spasht kiya ki puraskaar unke pradarshan se juda hoga aur tikt sirf unheen ko milega jo tay maanak ko poora kareinge. Agale Loksabha chunaav se pehle Congress ko chust durust banaane ke uddeshya se party ke pradesh adhyakshon evam Congress vidhaayak dal ke netaaon ke saath apni do divseeya baithak ke samaapan par Rahul ne pradesh adhyakshon se kaha ki ve maheene mein kam se kam das din party ke raajya mukhyaalayon se baahar niklein aur jila evam prakhandon mein jaaen tatha paarteejanon ki shikaayaton ko sunein evam party ko majaboot karein. Unhonne pradesh netaaon ko sabhi jila evam prakhand samitiyon ke punargathan ko sunishchit karne ke liye do maheene ka samay diya aur kaha ki iske baad isi ke aadhaar par vah pradesh Congress pramukhon ke pradarshan ki sameeksha kareinge. Rahul ne yah bhi tay kiya ki vah har do teen maheene mein ek baar rajdhani mein pradesh pramukhon aur vidhaayak dal ke netaaon ke saath baithak kareinge. Unhonne pradesh pramukhon se isi tarah ki kavaayad jila pramukhon ke saath karne ki bhi salaah di. Unhonne pradesh ke netaaon ke saath Internet aur phone ke jariye niyamit roop se sampark mein rahane ke liye koi tantr viksit karne ka bhi bharosa diya aur kaha ki samvaad ki koi kami naheen rahani chaahiye.

Rahul Ne Pradesh Pramukhon Se Kaha, Daftar Se Baahar Niklein http://www.angrejinews.com/pic/2057