Rahul Ka Modi Par Nishaana, Jaati Neechi Naheen Hoti, Soch Aur Karm Neech Hote Hain

India »

Rahul Ka Modi Par Nishaana, Jaati Neechi Naheen Hoti, Soch Aur Karm Neech Hote Hain

Amethi: amethi mein matadaan ke beech Congress upaadhyaksh Rahul Gandhi ne BJP ke PM pad ke ummeedavaar Narendra Modi par palatavaar kiya hai. Mangalvaar ko Modi ne Gandhi parivaar par aarop lagaaya tha ki unki neechi jaati hone ki vajah se vah Gandhi parivaar ke nishaane par hain. Is aarop par NDTV India samvaadadaata umaashankar Singh ne jab Rahul se savaal kiya, to unhonne kaha ki jaati neechi naheen hoti, balki soch aur karm neeche hote hain. Rahul ne kaha, soch neech hoti hai, gusse ki soch hoti hai, krodh ki soch hoti hai, jaati neech naheen hoti hai. Rahul ne kaha, mera focus lokatantr ko majaboot karne ka hai. Unhonne kaha, main chaahata hoon jyaada se jyaada log aaen. . . Mahilaaon, yuvaaon ko sashakt banaaya jaae. . . Rahul ne logon se matadaan mein badh-chadhkar hissa lene ki appeal karte hue kaha, adhik se adhik logon, khaaskar mahilaaon aur yuvaaon ko gharon se nikalkar matadaan karna chaahiye. Gandhi parivaar ke gadh kahe jaane vaale amethi mein is baar mukaabala kaante ka hai. Yahaan Rahul Gandhi ko BJP ki smruti Irani aur aam aadmi party ke Kumar vishvaas takkar de rahe hain. Rahul pehli baar voting ke din amethi mein hain aur booth-dar-booth ghoom rahe hain. gaurtalab hai ki amethi mein bhaarateeya janta party ke pradhaanamantri pad ke ummeedavaar Narendra Modi ne Rajiv Gandhi ki baat ki, to isse naaraaj Priyanka Gandhi ne kaha tha, amethi mein mere pita ka apamaan hua. Priyanka ne Modi par 'Nichle star ki raajaneeti' karne ka aarop lagaaya tha. iske javaab mein Narendra Modi ne mangalvaar ko tweet kiya tha ki main pichhde tabake se aata hoon, isliye Congress ko meri raajaneeti, neech raajaneeti lagti hai. Modi ne tweet kiya tha ki 'Saamaajik roop se nichle varg se aaya hoon isliye meri raajaneeti un logon ke liye 'Neech raajaneeti' hi hogi. ' 'Ho sakta hai kuchh logon ko yeh najar naheen aata ho par nichli jaatiyon ke tyaag, balidaan aur purushaarth ki desh ko is oonchaai par pahunchaane mein aham bhoomika hai. ' 'Isi 'Neech raajaneeti' ki oonchaai pichhle 60 saalon ke kushaasan aur vote bank ki raajaneeti se Bhaarat ko mukt kar, Bhaarat maan ke koti koti jan ke aansoo ponchhegi. ' 'Isi 'Neech raajaneeti' ki oonchaai Bhaarat maan ko ek samruddh aur shaktishaali raashtra ke roop mein vishv mein sthaan dilaane ki taakat rakhati hai. '

Rahul Ka Modi Par Nishaana, Jaati Neechi Naheen Hoti, Soch Aur Karm Neech Hote Hain http://www.angrejinews.com/pic/49849