Rahul Gandhi Ne Saadhe Ek Teer Se Do Nishaane, Lagaaya Mamata-Modi Ke Beech Saath-gaanth Ka Aarop

Breaking »

Rahul Gandhi Ne Saadhe Ek Teer Se Do Nishaane, Lagaaya Mamata-Modi Ke Beech Saath-gaanth Ka Aarop

Kolkata: Congress upaadhyaksh Rahul Gandhi ne kaha hai ki vah mamata Bannerjee aur Narendra Modi ke beech naya gathabandhan banta dekh rahe hain. Rahul Gandhi ne ek janasabha ke dauraan mamata aur Modi par jamkar hamla bola. Rahul ne kaha ki mamata aur Modi mein saanthagaanth hai aur donon hi gusse ki jubaan bolte hain. Congress upaadhyaksh ne apne daave ko saabit karne ke liye adbhut vyaakhya di. Rahul ne ek chunaavi sabha mein kaha, agar aap mamata ke naam ka uchchaaran karein, to yeh m-m-ta hai. Pehla m mamata hai aur doosra m Modi hai. Gathabandhan hone vaala hai. unhonne logon ko yaad dilaaya ki pehle bhi mamata aur BJP neet NDA ke beech gathabandhan tha, jab yeh gathabandhan satta mein tha. Apne pita divangat Rajiv Gandhi aur mamata Bannerjee ke beech achhe sambandhon ko yaad karte hue Rahul ne afsos jataaya ki satta mein aane ke baad unhonne Congress ko dhokha diya. Rahul ne kaha, mamata ji ka main kaafi sammaan karta hoon. Unhonne mere pita ke saath kaam kiya tha. Main unke khilaaf jo bhi kehta hoon, sammaan evam pyaar ke kaaran bolata hoon na ki gusse mein. Baad mein unhonne Congress chhod diya aur fir hamaare saath gathabandhan kiya, lekin satta mein aane ke baad unhonne hamein dhokha diya. iske baad Rahul ne shaarada chitfand ghotaale ka jikr karte hue aarop lagaae ki Trinamool Congress ki sarkaar ghotaale mein shaamil logon ko bachaane ka prayaas kar rahi hai. Unhonne kaha, mamataaji ne vaam shaasan ke khilaaf ladaai ladi thi, tab unhonne bhrashtaachaar ke khilaaf ladaai ladi thi. Lekin satta mein aane ke baad shaarada chitfand ghotaala hua, jismein laakhon logon ko loota gaya. . . Raajya sarkaar ko kaarravaai karni chaahiye thi, lekin isne chuppi saadhe rakhi. (input bhaasha se bhi)

Rahul Gandhi Ne Saadhe Ek Teer Se Do Nishaane, Lagaaya Mamata-Modi Ke Beech Saath-gaanth Ka Aarop http://www.angrejinews.com/pic/50058