Rahul Gandhi Ne Kaha- UP Se Congress Ki Shuruaat, Yahaan Party Kamjor Naheen Rah Sakti

Breaking »

Rahul Gandhi Ne Kaha- UP Se Congress Ki Shuruaat, Yahaan Party Kamjor Naheen Rah Sakti

Lucknow Kehte hain Delhi ki satta UP se hokar jaati hai. Sabhi raajaneetik dalon ki praathamikta mein bhi 80 Loksabha seaton wala sabse bada raajya uttar pradesh hota hai. Yahaan Congress party ka pradarshan pichhle kai chunaavon mein kharaab raha hai. Yahi vajah hai ki somvaar ko Congress adhyaksh Rahul Gandhi ne navaniyukt party mahaasachiv (poorv) Priyanka Gandhi aur mahaasachiv (pashchim) jyotiraaditya sindhiya ke saath Lucknow mein road sho kar party kaaryakartaaon mein naya josh bharne ki koshish ki. Road sho ke baad logon ko sambodhit karte hue Rahul Gandhi ne Priyanka aur sindhiya ko UP bhejane ke apne plaan ke baare mein bhi bataaya. Rahul ne kaha ki UP se hi Congress party ki shuruaat hui thi aur yahaan party kamjor naheen rah sakti hai. Unhonne kaha, 'UP mein party ko khada karne ka kaam mainne Priyanka aur jyotiraaditya sindhiya ko diya hai. Mainne inse kaha hai ki Loksabha chunaav mein to behtar pradarshan hona hi chaahiye, iske saath hi vidhaanasabha chunaavon mein Congress ki sarkaar banaani padegi. ' Congress adhyaksh ne kaha ki is jimmedaari ko ek inch bina peechhe hate poora karna hoga. Priyanka, sindhiya samet Congress party ke kaaryakarta raajya mein sarkaar banaane ke mission mein jut jaaen. Is dauraan unhonne ailaan kiya ki Congress party kisi bhi pradesh mein baikafut par naheen, frantafut par khelegi. UP mein sarkaar banaana Priyanka ka lakshya: Rahul BJP se vichaaradhaara ki ladaai: Rahul Unhonne kaha ki hamaari party bejhijhk, bina dare, bina ghabaraae har pradesh mein frantafut par khelegi. Rahul ne kaha ki yeh vichaaradhaara ki ladaai hai. Ek taraf Congress hai, jiski vichaaradhaara pyaar, bhaaichaara aur janta ko jodne ki hai. Doosari taraf BJP-RSS aur Narendra Modi ki vichaaradhaara desh ko todne, nafarat failaane ki, desh ko kamjor karne ki hai. Rahul-Priyanka ke road sho ka poora haal Rahul ne kaha ki aapne nateeja dekh liya hai ki Narendra Modi ne paanch saal mein kya kiya? Unhonne kaha ki yahaan ke yuva kah rahe hain ki chaukeedaar ne ek ko bhi rojagaar naheen diya. Modi ne kaha tha ki har saal 2 karod logon ko rojagaar deinge lekin unhonne keval anil Ambani ko faayda pahunchaaya. Congress adhyaksh ne kaha ki desh ke kisaan kah rahe hain ki saadhe teen lakh karod rupaye 15 logon ka maaf kiya ja sakta hai par kisaanon ka maaf naheen kiya ja sakta hai? Sambodhan ke dauraan unhonne baar-baar 'Chaukeedaari chor hai' ka naara bhi lagavaaya. Kya UP mein Congress ka time la paaengi Priyanka? 'Jameeni neta chaahiye, helikauptar vaale naheen' Unhonne kaha ki raajya ke logon ne sabko dekh liya hai, ab unhein Congress ki sarkaar chaahiye. UP mein Congress ko aage badhaana hai aur iske liye jameeni netaaon ko aage laane ki jaroorat hai. Jo helikauptar se aate hain chale jaate hain, hamein ve naheen chaahiye. Twitter par aate hi chhaain prinyaka, maaya ko pachhaada Yuvaaon se Rahul ne kaha, 'Modi ji aae the, 56 inch ki chhaati bataai thi. Main PM naheen chaukeedaar banana chaahata hoon. Akhbaar mein aaya hai ki raafel par vaayu sena ki jo baat chal rahi thi usamein PM ne hastakshep kiya. ' Rahul ne aarop lagaaya ki har defence deal mein bhrashtaachaar ke khilaaf ek klauj hota hai, usamein likha hota hai ki agar bhrashtaachaar hota hai to kaarravaai ki ja sakti hai aur karaar kainsal bhi kiya ja sakta hai lekin PM Modi ne desh ki janta ka paisa lootakar anil Ambani ko de diya. Modi ji ka khokhalaapan desh ke yuvaaon aur kisaanon ke saamane aa gaya hai. Maayaavati aur Akhilesh par bhi bole Unhonne kaha ki Congress kaaryakartaaon ke paas kai mudde hain. Chunaav mein is baar rojagaar, bhrashtaachaar, karj maafi jaise kai mudde hain. Rahul ne kaha ki yahaan gathabandhan bhi lad raha hai. Mainne bola hai ki maayaavati aur Akhilesh ji ka main aadar karta hoon magar Congress poore damakham se ladegi. Apni vichaaradhaara ke liye ladegi.

Rahul Gandhi Ne Kaha- UP Se Congress Ki Shuruaat, Yahaan Party Kamjor Naheen Rah Sakti http://www.angrejinews.com/pic/254095