Rahul Gandhi Ke Congress Adhyaksh Banane Par PM Modi Ne Di Badhaai

Breaking »

Rahul Gandhi Ke Congress Adhyaksh Banane Par PM Modi Ne Di Badhaai

Ahmedabad Congress upaadhyaksh Rahul Gandhi ke nirvirodh tareeke se party ka adhyaksh chune jaane par pradhaanamantri Narendra Modi ne badhaai di hai. PM Modi ne tweet kar kaha, 'Main Rahul ji ko Congress adhyaksh banane par badhaai deta hoon. Unke saarthak kaaryakaal ke liye meri shubhakaamanaaen. ' bata dein, Gujarat ke chunaavi mahaasamar ko jeetne ke liye PM Modi aur Rahul Gandhi jordaar tareeke se chunaav prachaar kar rahe hain. I congratulate Rahul Ji on his election as Congress President. My best wishes for a fruitful tenure. @OfficeOfRG — Narendra Modi (@narendramodi) 1512997871000 Is dauraan donon hi neta ek-doosare par teekhe hamle kar rahe hain. Rahul Gandhi jahaan vikaas ke 'Gujarat model' par savaal utha rahe hain, vaheen PM Modi kendra aur raajya sarkaar ki upalabdhiyon tatha Congress netaaon ke bayaanon ke jariye unhein gher rahe hain. Rahul Gandhi Gujarat ke mandiron ke darshan kar sauft hindutv ke sanket de rahe hain. Isse pehle somvaar ko Congress upaadhyaksh Rahul Gandhi ko party ka nirvirodh tareeke se party ka adhyaksh chun liya gaya. Is sheersh pad ke liye keval Rahul ne hi naamaankan kiya tha. Rahul ke sabhi 89 naamaankan patra sahi paae gaye. Congress ki keindreeya chunaav praadhikaar (CEA) ke adhyaksh mullaapalli Ramchandran ne Rahul ke adhyaksh nirvaachit hone ki ghoshana ki. Rahul ke 16 December ko Congress adhyaksh ke taur par kaaryabhaar sambhaalne ki sambhaavana hai. Iske saath hi party mein peedheegat badlaav bhi ho gaya. Rahul apni maan Sonia Gandhi ki jagah adhyaksh pad ki jimmedaari sambhaalenge. Sonia 19 saal tak is pad par raheen. Vah 1998 mein Congress ki adhyaksh bani theen. Yeh badlaav desh ki sabse puraani party mein nae yug ka aagaaj maana ja raha hai.

Rahul Gandhi Ke Congress Adhyaksh Banane Par PM Modi Ne Di Badhaai http://www.angrejinews.com/pic/183587