'Raayabareli Mein Ems Ke Liye Muft Jameen Dena Vikaas Naheen To Kya Hai

Breaking »

'Raayabareli Mein Ems Ke Liye Muft Jameen Dena Vikaas Naheen To Kya Hai

Lucknow: Uttar pradesh ki samaajavaadi party (sapa) sarkaar dvaara raajya ke vikaas par dhyaan naheen diye jaane ke Congress upaadhyaksh Rahul Gandhi ke aaropon ka javaab dete hue mukhyamantri Akhilesh Yadav ne raashtreeya raajamaarg praadhikran (NHAI) par anyaaya karne ka aarop lagaaya. Mukhyamantri ne raajya mantriprishd ki baithak mein shirkat karne ke baad samvaadadaataaon se kaha, ''Sarkaar uttar pradesh ko khushahaal banaane par lagaataar kaam kar rahi hai. Agra mein haal mein kendra, raajya tatha bhaarateeya udyog parisangh dvaara aayojit nivesh shikhar baithak ke baad bahut logon ne uttar pradesh mein nivesh aur kaarkhaane lagaane ki baat kahi hai. '' Akhilesh ne kisi ka naam liye bagair sarkaar dvaara raajya ke vikaas par dhyaan naheen diye jaane ke Congress upaadhyaksh Rahul Gandhi ke aaropon ka javaab diya aur kaha, ''Aaj mantriprishd ki baithak mein humne raayabareli mein akhil bhaarateeya aayurvigyaan sansthaan kholne ke liye muft jameen day di hai. Yah sab vikaas naheen to aur kya hai. '' Gaurtalab hai ki Congress upaadhyaksh banane ke baad pehli baar apne sansadeeya nirvaachan kshetr amethi pahunche Rahul ne guruvaar ko vibhinn janasabhaaon mein raajya ki Akhilesh Yadav sarkaar par pradesh ke vikaas par dhyaan naheen dene ka aarop lagaaya tha. Mukhyamantri ne raashtreeya raajamaarg praadhikran par anyaaya karne ka aarop lagaate hue kaha ki kendreeya praadhikran Lucknow se raayabareli tak chaar len ki sadak bana raha hai. Uske baad ki sadak yoon hi chhodi ja rahi hai. NHAI anyaaya na kare aur jo sadak raayabareli tak ja rahi hai vah Allahabad tak banaai jaae.

'Raayabareli Mein Ems Ke Liye Muft Jameen Dena Vikaas Naheen To Kya Hai http://www.angrejinews.com/pic/1453