Raashifal 12 December 2017, Mangalvaar

Breaking »

Raashifal 12 December 2017, Mangalvaar

Bejan daaroovaala Mesh (Aries): Aarthik aur vyaavasaayik roop se aaj ka din laabhadaayak hoga, aisa ganeshaji bataate hain. Aarthik laabh milega. Shareer aur man se svasth raheinge. Mitron aur paarivaarik sadasyon ke saath khoob aanand mein din vyateet hoga. Adhik logon ke saath sampark mein rahane ka avsar milega. Vyaapaari gan unke vyaapaar ka vistaar aur aayojan kar sakeinge. Lokahit ka kaarya aapke haath se hoga. Vrushabh (Taurus): Aapka shaareerik aur maanasik sukh bana rahega. Naukri-vyavasaaya mein aapki mehnat ka fal mil sakta hai. Adhikaari varg ke protsaahan se aapka utsaah badhega. Saamaajik kshetr mein pratishtha badh sakti hai. Pita se laabh ho sakta hai. Sarkaari kaarya poorn hone mein saralata rahegi. Daanpatya jeevan mein sukh aur aanand anubhav kareinge, aisa ganeshaji bataate hain. Mithun(Gemini): Aaj ke din aapko apni vaani aur vyavahaar mein saavadhaani rakhane ki ganeshaji chetaavani dete hain. Aapki baatcheet se koi galatafahami na ho, usaka dhyaan rakhein. Aapka svaasthya kharaab ho sakta hai aur visheshakar aankhon mein takaleef ho sakti hai, iska poora dhyaan rakhein. Aaj aapke kharch ka din hai. Kisi bhi prakaar ke akasmaat se bachein. Ishvar ki bhakti aur aadhyaatmik baaton mein ruchi lene se man ko kuchh shaanti milegi. Kark(Cancer): Aaj kai laabh haasil karne ka din hai. Vyaapaar-dhandhe mein vikaas ke saath-saath aay bhi badhegi. Naukareepesha logon ko laabh ka avsar milega. Vaivaahik jeevan mein sukh-santosh ki anubhooti hogi. Patni, putr aur bujurgavarg ki taraf se laabh hoga. Mitron ke saath ramaneeya paryatan hoga. Singh(Leo): Ganeshaji bataate hain ki aaj aapko vaani aur krodh par niyantran rakhana chaahiye. Krodh aur badbolepan se anarth ho sakta hai. Sardi aur kaf ke kaaran aapka svaasthya prabhaavit ho sakta hai. Maanasik vyagrata ka anubhav kareinge. Dhan kharch mein vruddhi hogi. Anaitik vichaaron ko man par haavi na hone dein. Kanya(Virgo): Vaichaarik samruddhi aur vaani ki mohakata se aapko laabh hoga aur aap sauhaardapoorn sambandh viksit kar apna kaam nikaal sakeinge. Vyavasaaya ki drushti se aaj ka din laabhadaayak saabit hoga. Aapka svaasthya bana rahega aur man bhi svasth rahega. Sage-samanbandhiyon ke saath mulaakaat hogi aur sukh-aanand ki praapti hogi. Dhan laabh tatha paryatan ka yog hai. Ganeshaji ka aasheervaad aapke saath hai. Tula(Libra): Aapki vaani aur vyavahaar ko sanyam mein rakhana padega. Anya vyaktiyon ya ghar ke logon ke saath ugr bolaachaali hone ki sambhaavana hai. Paropakaar ka badla upakaar se mil sakta hai. Aay ki apeksha kharch ki maatra badhegi. Tabeeyat ka dhyaan rakhane ki ganeshaji ki salaah hai. Duvidhaaen aur samasyaaen man ki shaanti har legi. Saansaarik jeevan mein aanand ka anubhav kareinge. Vrushchik(Scorpio): Aaj aapka man kuchh adhik bhaavanaasheel rahega. Bhaavanaaon ke pravaah mein bahakar aap kisi avichaari kaarya na kar baithein, iske liye saavdhaan rahiyega. Charcha aur vivaad se door rahiyega. Anyatha kisi ke saath ugrataapoorn vyavahaar ho sakta hai. Madhyaahn ke baad aapke andar aatmavishvaas badhta hua najar aaega. Samaaj mein aapki maan-pratishtha badhegi. Fir bhi krodh par sanyam rakhiyega. Dhanu (Sagittarius): Ganeshaji bataate hain ki aarthik aur vyaapaarik aayojan karne ke liye shubh din hai. Kaarya safalataapoorvak sampann hoga. Paropakaar ki prabal rahegi. Aamod-pramod ke saath aapka din vyateet hoga. Naukri-vyavasaaya mein promotion aur maan- sammaan praapt hoga. Gruhasth jeevan mein aanand vyaapt rahega. Makar (Capricorn): Aapka aaj ke din ka vyavahaar dhaarmik rahega. Kisi dhaarmik ya maangalik prasang mein upasthit raheinge. Haanikr kaaryon se door rahiyega, saath hi krodh par sanyam rakhiyega. Lekin madhyaahn ke baad aapka din bahut achha aur safalta bhara rahega. Aaj aapke boss aapki prashansa kar sakte hain. Gruhasth jeevan mein madhurataapoorn vaataavaran bana rahega. Kumbh (Aquarius): Aaj ka din saavadhaani se bitaane ki salaah ganeshaji dete hain. Nae kaaryon ka praarambh na karein evam krodh par niyantran rakhein. Anaitik kaaryon se door rahein. Nae sambandh sthaapit karne se pehle gambheerta se vichaar karein. Adhik kharch hone se haath tang rahega. Ishvar ki aaraadhana tatha naam-smaran se laabh hoga. Meen (Pisces) : Ganeshaji ke aasheervaad se aapka aaj ka din sukh-shaanti se vyateet hoga. Vyaapaariyon ko bhaageedaari ke liye uttam samay hai. Pati patni ke beech daanpatya jeevan mein niktata ka anubhav hoga. Mitron, svajanon ke saath milan mulaakaat hoga. Saarvajanik jeevan mein prasiddhi milegi. Uttam vaivaahik sukh praapt hoga.

Raashifal 12 December 2017, Mangalvaar http://www.angrejinews.com/pic/183601