Raani Ko Raani Chopra Kah Gaye Shatrughn Sinha

Movies »

Raani Ko Raani Chopra Kah Gaye Shatrughn Sinha

Mumbai: Filmkaar yash Chopra ki pratima ke anaavaran ke dauraan somvaar ko prasiddh Bollywood abhineta shatrughn sinha se ek badi galati ho gayi aur unhonne abhinetri raani mukharji ko raani Chopra ke naam se bulaaya. Is baat se raani aur Chopra ke bete aaditya Chopra ke rishte ko lekar lagaai ja rahi atkalon ko aur hava mil gayi. Shatrughn sinha ne Chopra parivaar ka naam lete vakt kaha, "Yash Chopra, Pamela Chopra, udaya Chopra, raani. Abhi-abhi meri patni ne kaha ki mainne aaditya ka naam naheen liya lekin jab raani Chopra ka naam hai to jaahir si baat hai ki aaditya ka naam bhi hoga. " raani yah sunakar khaamosh theen lekin vah stabdh najar aa rahi theen. Kai saalon se aisi khabar hai ki raani aur aaditya ka rishta kaafi ghanishth hai aur isi vajah se 2009 mein aaditya ka unki patni se talaak ho gaya tha. Aisi khabar hai ki in donon ne 2012 mein gupchup tareeke se vivaah kar liya hai. Donon ne haalaanki, aupachaarik roop se iski pushti naheen ki hai. Yash Chopra ke 'Yash raaj films' studio mein is kaaryakram ke dauraan poonam sinha, poonam dhillan, parineeti Chopra aur prem Chopra jaisi hastiyaan maujood theen.

Raani Ko Raani Chopra Kah Gaye Shatrughn Sinha http://www.angrejinews.com/pic/1664