Raamadev Ko Lekar Naram Kyon Hain Akhilesh Yadav Maayaavati

Breaking »

Raamadev Ko Lekar Naram Kyon Hain Akhilesh Yadav  Maayaavati

Lucknow: bahujan samaaj party supreemo maayaavati ne yog guru Baba raamadev ke bayaan par uttar pradesh sarkaar ko aade haath lete hue kaha ki raamadev par SC / ST kaanoon ke tahat mukadama darj kar kaarravaai kiye jaane ki maang ki gayi thi par pradesh sarkaar ne Baba raamadev par na to koi kaarravaai ki aur na hi unka virodh kar rahi hai. maayaavati ne subah matadaan karne ke baad samvaadadaataaon se kaha, humne pradesh sarkaar se raamadev ke khilaaf mukadama darj kar kaarravaai kiye jaane ki maang ki thi, lekin abhi tak koi sakht kaarravaai naheen ki gayi. Unhonne kaha ki chunaav aayog ne Baba raamadev par keval paanbadi lagaai hai, jabki unke dvaara diye gaye gambhir aur aapattijanak bayaan par sakht kaarravaai honi chaahiye thi. maayaavati ne kaha ki raamadev ne Congress ke 'Shahajaade' ke khilaaf aapattijanak tippani ki, magar durbhaagya ki baat hai ki is mudde ko Congress ne bhi bahut halke dhang se liya, Modi ne bhi is par koi tippani naheen ki aur samaajavaadi party ne to raamadev par chuppi hi saadh li. poorv mukhyamantri ne yeh bhi kaha raamadev ne daliton ka apamaan kar bahut ghinauna kaam kiya hai aur bhaarateeya janta party daliton ko gumaraah kar rahi hai. Basapa adhyaksh ne desh aur pradesh ki janta se lokatantr ko majaboot karne ke liye vote daalne ki appeal karte hue kaha ki desh ke vikaas aur ekta ke liye kendra mein majaboot sarkaar banani chaahiye.

Raamadev Ko Lekar Naram Kyon Hain Akhilesh Yadav Maayaavati http://www.angrejinews.com/pic/49088