Raamadev Ko Jail Bhejo, Varana Hoga Aandolan Maayaavati

Breaking »

Raamadev Ko Jail Bhejo, Varana Hoga Aandolan  Maayaavati

File photo File photo Lucknow: bahujan samaaj party (basapa) ki adhyaksh maayaavati ne yog guru Baba raamadev par palatavaar karte hue kaha hai ki Baba ko jald se jald giraftaar kiya jaae. Aisa naheen hone par poore desh mein raamadev ke khilaaf jabardast aandolan shuroo kiya jaaega. maayaavati ne Baba raamadev dvaara Congress ki aalochna ke dauraan daliton ke sambandh mein ki gayi tippani ki kade shabdon mein ninda ki hai. maayaavati ne Lucknow mein aayojit chunaavi sabha mein kaha ki kal bhaajapa ke bahut bade neta aur prachaarak Baba raamadev ne Lucknow mein Congress ki aalochna karte hue jis tarah poore desh ke daliton ki bahan betiyon ki ijjat par ungali uthaai hai. Jis ashleel aur giri hui bhaasha ka istemaal kiya hai, usaki hamaari party kade shabdon mein ninda karti hai. basapa adhyaksh ne kaha, 'Main mukhya chunaav aayukt aur sapa sarkaar ko kehna chaahati hoon ki bhaajapa ke is yogi neta raamadev ki giri hui harkat ke khilaaf dalit adhiniyam ke tahat mahila utpeedn ko rokane ke liye banaae gaye kaanoon ke tahat mukadama karaakar jail bheja jaae. ' unhonne kaha, 'Bhaajapa ko aise Baba se turant naata tod lena chaahiye, varana basapa is badadimaag Baba tatha bhaajapa aur sapa ke khilaaf jabardast aandolan chhedegi. ' gaurtalab hai ki raamadev ne shukravaar ko yahaan samvaadadaata sammelan mein Congress upaadhyaksh Rahul Gandhi ke baare mein aapattijanak tippaniyaan karte hue kaha tha ki vah daliton ke ghar 'Haneemoon aur piknik' manaane jaate hain. Is maamale mein shukravaar ko unke khilaaf Lucknow mein mukadama darj kiya gaya hai.

Raamadev Ko Jail Bhejo, Varana Hoga Aandolan Maayaavati http://www.angrejinews.com/pic/48712