Raajyavardhan Rathore Ko Raashtreeya Nishaanebaaji Mein Svarn Padak

Sports »

Raajyavardhan Rathore Ko Raashtreeya Nishaanebaaji Mein Svarn Padak

Nai Delhi: Athens olympic ke rajat padak vijeta raajyavardhan Singh Rathore ne vishv ke poorv number ek nishaanebaaj ranjan sodhi aur mohammad asaab ko peechhe chhodkar 56veen raashtreeya nishaanebaaji championship mein svarn padak jeeta. Purushon ki double trap spardha mein sena ke Rathore ne qualifying mein 144 aur final mein 46 ka score banaakar sone ka tamaga jeeta. Uttar pradesh ke asaab ne 141 aur 46 ke score ke saath rajat aur sodhi ne 138 aur 48 ka score banaakar kaansya padak haasil kiya. Double trap junior varg ka khitaab Delhi ke shyaam masood ne jeeta. Vah senior varg mein chauthe sthaan par rahe the. Masood ne kul 136 ka score banaaya. Haryana ke ankur mittal (134) ne rajat aur Andhra pradesh ke asher noriya (131) ne kaansya padak jeeta. Purushon ki center fire pistol spardha mein sena ke omkaar Singh aur BSF ke amit Kumar pilaaniya 289 ke samaan score ke saath badhat par hain. Samaresh jang (288) ka number unke baad aata hai.

Raajyavardhan Rathore Ko Raashtreeya Nishaanebaaji Mein Svarn Padak http://www.angrejinews.com/pic/175