RBI Ne Vruddhi Dar Ka Anumaan Ghataakar Kiya 5.5 Feesadi

Business »

RBI Ne Vruddhi Dar Ka Anumaan Ghataakar Kiya 5.5 Feesadi

Mumbai: Reserve bank ne March mein samaapt hone ja rahe chaaloo vitt varsh ke liye aarthik vruddhi dar ka apna poorvaanumaan 5.8 feesadi ki jagah aaj 5.5 feesadi kar diya. Keindreeya bank ne kaha ki mudraasfeeti ka jokhim ab kuchh kam hua hai aur aise mein aarthik vruddhi dar mein giraavat ko rokane ki pahal aavashyak ho gayi thi. Bank ne aarthik vaddhi ke jokhim ko kam karne ke liye vruddhi apni neetigat byaaj daron (repo aur rivers repo tatha bank dar) aur nakad aarakshit anupaat (CRR) chauthaai chauthaai pratishat neeche kar di hai. Reserve bank ne aaj teesari timaahi ki maudrik neeti sameeksha mein kaha, sarkaar ki neetigat pahalon baajaar ka utsaah badha hai par nivesh mein narami ke rukh mein badlaav aur aarthik vruddhi ki majabooti mein thoda vakt lag sakta hai. Reserve bank dvaara aaj pesh 5.5 feesadi vruddhi ka anumaan sarkaar ke 5.7 feesadi ke anumaan se kam hai aur yeh ek dashak ki sabse kam vruddhi dar ho sakti hai. Keindreeya bank ne October mein chaaloo vitt varsh ke liye vruddhi dar ka anumaan ghataakar 5.8 feesadi kar diya gaya tha, jabki isse pehle July mein sakal ghareloo utpaad ki vruddhi dar 6.5 rahane ka anumaan jataaya gaya tha. Pichhle vitt varsh mein aarthik vruddhi 6.5 pratishat thi. RBI ne kaha, vruddhi ko protsaahit karne ke liye nivesh mein majaboot aur nirantar sudhaar aavashyak hai. Saath hi reserve bank ne kaha hai ki vruddhi dar badhaane ke liye buniyaadi dhaanche ki kami door karna, pariyojanaaon ko teji se manjoori aur sarkaar ke kaam-kaaj mein sudhaar aavashyak hoga.

RBI Ne Vruddhi Dar Ka Anumaan Ghataakar Kiya 5.5 Feesadi http://www.angrejinews.com/pic/538