RBI Ne Ki Repo Rate Aur CRR Mein Chauthaai Feesadi Katauti, Saste Honge Loan

Business »

RBI Ne Ki Repo Rate Aur CRR Mein Chauthaai Feesadi Katauti, Saste Honge Loan

Nai Delhi: Bhaarateeyon ke liye byaaj daron mein katauti ka lambe samay se chala aa raha intajaar aakhirkaar khatm ho gaya, jab bhaarateeya reserve bank (RBI) ne mangalvaar ko repo rate aur nakad aarakshit anupaat (CRR) mein chauthaai feesadi ki katauti ka ailaan kiya. RBI Governor di subbaaraav ne kaha ki keindreeya bank ne rin tatha maudrik neeti ki timaahi sameeksha mein poore dashak mein sabse dheemi vruddhi ka saamana kar rahi arthavyavastha ko sahaara dene ke liye yah faisala kiya hai. Repo rate vah byaaj dar hoti hai, jis par RBI anya bankon ko rin diya karta hai, aur nakad aarakshit anupaat (CRR) vah anivaarya rakam hoti hai, jise kisi bhi bank ko RBI ke paas jama rakhana padta hai. Isse pehle varsh 2012 mein 17 April ko repo rate mein 50 basis ankon (arthaat aadha pratishat) ki katauti ki gayi thi, aur CRR mein chaaloo vittavarsh ke dauraan do baar 25-25 basis ankon ki katauti ki ja chuki hai. Mangalvaar ko ghoshit ki gayi katauti ke baad ab CRR chaar pratishat ho gayi hai, jo December, 1974 ke baad sabse kam hai. Ullekhaneeya hai ki rin tatha maudrik neeti ki sameeksha kiye jaane se pehle se hi ummeed jataai ja rahi thi ki byaaj daron mein katauti ki ja sakti hai. Ab uthaae gaye is kadam se aam aadmi apne vibhinn rinon par di jaane waali EMI mein kami ki ummeed bhi kar sakta hai, kyonki bankon dvaara bhi is katauti ka laabh graahakon ko pahunchaae jaane ki sambhaavana hai. Baajaar visheshagyon ka pehle se hi kehna raha hai ki mahangaai ko kaaboo karne ke liye sarkaar ki sakriyta ko dekhte hue reserve bank aisa faisala le sakta hai. Haalaanki byaaj daron mein katauti ki ummeedein pehle bhi jataai jaati rahi hain, lekin ab tak reserve bank mahangaai dar ke lagaataar badhne ki vajah se byaaj daron mein katauti se inkaar karta raha tha.

RBI Ne Ki Repo Rate Aur CRR Mein Chauthaai Feesadi Katauti, Saste Honge Loan http://www.angrejinews.com/pic/397