RBI Ne Ki Daron Mein Katauti, Rin Saste Hone Ke Aasaar

Business »

RBI Ne Ki Daron Mein Katauti, Rin Saste Hone Ke Aasaar

Nai Delhi: Bhaarateeya reserve bank (RBI) ne mangalvaar ko vitt varsh 2012-13 ki teesari timaahi ki maudrik neeti sameeksha mein repo rate aur nakad aarakshit anupaat (CRR) mein katauti kar di. Isse jahaan ek or baajaar mein taralata badhegi, vaheen graahakon ke liye ghar aur vaahan khareedna aasaan ho sakta hai, kyonki har tarah ke rinon par byaaj darein ghat sakti hain. RBI ne repo dar aur nakad aarakshi anupaat (CRR) mein 25 aadhaar ankon ki katauti ki hai, jisse banking pranaali mein 18 hajaar karod rupaye ki atirikt taralata ka sanchaar hoga. Lambe intajaar ke baad hui is katauti ke baad taaja repo dar 7.75 feesadi ho gayi. Isse pehle RBI ne April 2012 mein repo aur rivers repo dar mein 50 aadhaar ankon ki katauti ki thi. Repo dar vah dar hoti hai, jis par RBI vaanijyik bankon ko chhoti avadhi ke karj deta hai. Repo dar mein katauti ke saath hi rivers repo rate bhi ghat kar 6.75 feesadi ho gayi. Rivers repo dar vah dar hoti hai, jis par RBI vaanijyik bankon se chhoti avadhi ke liye udhaari leta hai. Is kadam se vaanijyik bankon ke liye karj lena sasta ho jaaega aur yadi is laabh ko graahakon tak bhi pahunchaaya gaya, to aavaas, vaahan tatha anya rinon par lagne waali byaaj darein sasti ho sakti hain. Haalaanki bank is mudde par Budhvaar ko koi nirnaya leinge. RBI ne CRR ko bhi 25 aadhaar ank ghataakar 4.00 feesadi kar diya hai. Yeh bankon ki kul jama ka vah anupaat hota hai, jo unhein RBI ke paas rakhana hota hai. CRR mein is katauti se baajaar mein 18 hajaar karod rupaye ki atirikt taralata paida hogi. Maudrik neeti sameeksha ki ghoshana mein RBI ke Governor di. Subbaaraav ne kaha, "Nakad aarakshi anupaat mein is katauti se banking pranaali mein 18 hajaar karod rupaye ki praathamik taralata ka sanchaar hoga. " RBI ne baajaar ki ummeedon ke anuroop hi mukhya daron mein katauti ki hai. Thok keematon par aadhaarit desh ki mahangaai dar December mein teen saalon ke nichle star par 7.18 feesadi darj ki gayi. RBI pehle hi jata diya tha ki January-March timaahi mein daron mein katauti ho sakti hai, kyonki mahangaai ghatne ke aasaar hain. Keindreeya vaanijya aur udyog mantri aanand sharma ne mangalvaar ko RBI ke kadam ko santulit bataaya aur kaha ki dar katauti se taralata badhegi aur aarthik vikaas mein teji aaegi. RBI ke is kadam ka udyog jagat ne tah-A-dil se svaagat kiya hai. Bhaarateeya udyog parisangh ke mahaanideshak chandrajeet Bannerjee ne ek bayaan mein kaha, "Sarkaar ne vikaas ki prakriya ko vaapas patari par laane ke liye jaroori kadam uthaane shuroo kar diye hain. Udyog jagat ko khushi hai ki RBI ne yeh bhi sanket diya hai ki vah aage vikaas ko patari par laane ke liye sarkaar ke saath taalamel bithaaega. " Udyog jagat ke ek sangathan FICCI ki adhyaksh naina laal kidvai ne kaha, "Haal hi mein FICCI ke aarthik paridrushya sarvekshan mein pratibhaagiyon ne aarthik vikaas mein teji laane ke liye avilamb repo dar mein 25 aadhaar ankon ki katauti aur kaarobaari saal 2014 tak ismein 75 se 100 aadhaar ankon ki katauti ki vakaalat ki thi. " Assocham ke adhyaksh Rajkumar N. Dhoot ne kaha, "CRR aur repo dar donon hi mein katauti sahi disha mein uthaaya gaya kadam hai. Lekin baajaar ko ise sachchi bhaavana ke saath lena chaahiye aur iska laabh aam logon ko bhi dena chaahiye. " Subbaaraav ne kaha ki sameeksha mein teen mukhya muddon par dhyaan diya gaya-mahangaai mein narami aane ke saath vikaas ko aage badhaane ke liye upayukt byaaj dar vyavastha banaana, mahangaai ko rokana aur utpaadak gatividhiyon ko karj dene ke liye pranaali mein samuchit taralata sunishchit karna. RBI ne arthavyavastha ke baare mein kuchh anumaanon mein sanshodhan bhi kiye. Subbaaraav ne kaha ki maujooda kaarobaari saal ke liye vikaas dar ka anumaan 5.5 feesadi rakha gaya hai, jo pehle 5.8 feesadi rakha gaya tha. Unhonne kaha ki March ke ant tak mahangaai dar ka anumaan 6.8 feesadi rakha gaya hai, jo pehle 7.5 feesadi rakha gaya tha. RBI dvaara repo dar aur CRR mein 25 aadhaar ankon ki katauti ki ghoshana se share baajaaron mein tatkaal uchhaal to aaya, lekin yeh uchhaal jyaada samay tak tika na rah saka. Sensex dopahar lagbhag 12.23 baje 74.82 ankon ki teji ke saath 20,178.17 par aur Nifty bhi lagbhag isi vakt 29.85 ankon ki teji ke saath 6,104.65 par kaarobaar karte dekhe gaye the. Lekin munaafa vasooli aur maujooda kaarobaari varsh ke liye desh ke vikaas ka poorvaanumaan ghataae jaane ke kaaran, share baajaaron ki yeh teji jyaada samay tak nahi tik pai aur usamein giraavat ka rukh shuroo ho gaya. Pramukh soochakaank Sensex 112.45 ankon ki giraavat ke saath 19,990.90 par aur Nifty 24.90 ankon ki giraavat ke saath 6,049.90 par band hua. Gyaat ho ki RBI ne maujooda kaarobaari saal ki teesari timaahi ki maudrik neeti sameeksha mein desh ke vikaas ka poorvaanumaan ghataakar 5.5 feesadi kar diya, jise pehle usane 5.8 feesadi par rakha tha. BSE ke midcap aur smallcap soochakaankon mein bhi giraavat dekhi gayi. Midcap 39.91 ankon ki giraavat ke saath 6,935.93 par aur smallcap 65.11 ankon ki giraavat ke saath 7,096.94 par band hua. BSE ke 13 mein se sirf ek sector tej khapat waali upabhokta vastu (0.70 feesadi) mein teji rahi.

RBI Ne Ki Daron Mein Katauti, Rin Saste Hone Ke Aasaar http://www.angrejinews.com/pic/542