RBI Ki Nirnaya Prakriya Mein Vruhad Bhaageedaari Chaahati Hai Sarkaar

Business »

RBI Ki Nirnaya Prakriya Mein Vruhad Bhaageedaari Chaahati Hai Sarkaar

Nayi Delhi, 16 November (bhaasha) sarkaar bhaarateeya reserve bank (RBI) ke nirnaya lene mein vruhad bhaageedaari chaahati hai kyonki usaka maanana hai ki maujooda chalan ek din ki deri ke chalte rin ke NPA mein tabdeel hone jaise kai mahattvapoorn muddon par use alag rakhata hai. RBI ke board ki hone waali aham baithak se pehle sootron ne yeh baat kahi. unhonne kaha ki sarkaar ka maanana hai ki logon ke pratinidhi hone ke naate use RBI ke mahatvapoorn neeti nirnayon mein shaamil hona chaahiye. sootron ne apni baat ke samarthan mein kaha ki sarkaar kehti hai ki Governor aur chaar deputy gavarnaron ki upasthiti se kuchh up-samitiyon ka koram poora ho jaata hai aur kisi bhi anya nideshak ki upasthiti ki aavashyakta naheen hoti. haalaanki, Governor ki adhyakshata vaale RBI ke kendreeya board mein do sarkaar naamit nideshak aur 11 svatantr nideshak shaamil hain. Is samay, kendreeya board mein 18 sadasya hain aur iski adhiktam sankhya 21 tak ho sakti hai.

RBI Ki Nirnaya Prakriya Mein Vruhad Bhaageedaari Chaahati Hai Sarkaar http://www.angrejinews.com/pic/235171