RBI Ki Maudrik Sameeksha Mein Neetigat Daron Mein Badlaav Ki Ummeed Naheen Visheshagya

Breaking »

RBI Ki Maudrik Sameeksha Mein Neetigat Daron Mein Badlaav Ki Ummeed Naheen Visheshagya

Nai Delhi Vishleshakon ka maanana hai ki mahangaai dar ke maddenajar bhaarateeya reserve bank ki maudrik neeti samiti agali sameeksha baithak mein neetigat dar ko shaayad hi kam kare. Khaadya aur indhan ki keematein badhne se upabhokta moolya soochakaank (CPI) par aadhaarit mudraasfeeti 7 maheene ke uchch star par chal rahi hai. Khaadya vastuon, khaaskar sabjiyon ke bhaav mein teji se khudara mudraasfeeti October mein badhkar 3.58 pratishat par pahunch gayi jo 7 maheene ka uchch star hai. Byaaj dar tay karne mein khudara mudraasfeeti par khaas dhyaan diya jaata hai. Audyogik utpaadan mein narami beech June se khudara mudraasfeeti lagaataar badh rahi hai. Vitteeya seva company morgan stenali ne ek research pepar mein , 'Mudraasfeeti ki mukhya dar mein teji hai aur mudraasfeeti ke deergh kaalik rajhaan ke sthir bane rahane se hame naheen lagta hai ki reserve bank dinsabar mein hone waali maudrik sameeksha mein daron mein kami karega. ' Japan ki vitteeya seva farm nomura ne mudraasfeeti mein vruddhi ke liye sarkaari karmachaariyon ko makaan bhatta aur jeeesati ke prabhaavon ko jimmedaar thaharaate hue reserve bank December mein hone waali sameeksha baithak mein neetigat daron mein koi parivartan naheen hone ka anumaan jataaya hai. Haalaanki, bank of America meril linch ka kehna hai ki ham ummeed kar rahe hain ki 6 December ko RBI maudrik neeti sameeti ki baithak mein October-March avadhi mein audyogiki gatividhiyon mein sudhaar ke liye neetigat daron mein katauti kar sakta hai. Usaka yeh bhi kehna hai ki videshi mudra baajaar mein bhaarateeya reserve bank ke hastakshep ke saath-saath bankon ke punarpoonjeekaran ke kaaran bank ke paas karj dene ko paryaapt maatra mein nakadi hogi. Aise mein daron mein katauti karne ka samay aa gaya hai. Ullekhaneeya hai ki RBI ne 4 October ko maudrik sameeksha baithak mein daron ko jas ka tas rakha tha.

RBI Ki Maudrik Sameeksha Mein Neetigat Daron Mein Badlaav Ki Ummeed Naheen Visheshagya http://www.angrejinews.com/pic/179571