'Pyaaj Ki Tarah Chadh Sakte Hain Daalon Ke Daam, Al Neeno Badi Chinta

Breaking »

'Pyaaj Ki Tarah Chadh Sakte Hain Daalon Ke Daam, Al Neeno Badi Chinta

Nai Delhi: agar maunasoon par al neeno ka asar rahata hai aur baarish kam hoti hai, to dalahan utpaadan buri tarah prabhaavit ho sakta hai. Isse logon ka rasoi ka bajat gadbada sakta hai. udyog mandal Assocham ke ek adhyayan mein kaha gaya hai ki yadi aisa hua to daalein bhi pyaaj ki tarah aam aadmi ke aansoo nikaal sakti hain. Desh mein madhya pradesh, Maharashtra, Rajasthan, uttar pradesh, Karnataka aur Andhra pradesh mahatvapoorn dalahan utpaadak raajya hain. In raajyon mein dalahan ka 80 feesadi utpaadan hota hai. baarish kam rahane par in raajyon mein dalahan utpaadan buri tarah prabhaavit ho sakta hai. Adhyayan mein kaha gaya hai, Bhaarat ki aayaat par adhik nirbharata, adhik keematein aur dalahan ki prati vyakti upalabdhata kam hona chinta ke vishay hain. Adhyayan mein kaha gaya hai ki dalahan ki maang aur aapoorti ka bhaari antar inki keematon par bhaari dabaav daalata hai aur isliye samay par bachaavakaari kadam uthaane ki aavashyakta hai. pichhle teen saalon mein utpaadan mein vruddhi ke baavajood aane vaale saalon mein dalahan ki ghareloo maang aapoorti se kaheen adhik rahane ki sambhaavana hai. Chaar varshon tak saamaanya aur saamaanya se behtar baarish ke baad Bhaarat mein is varsh saamaanya se kam maunasoon rahane ki aashanka hai. Is saal baarish 95 pratishat hone ki ummeed hai. Mausam vibhaag ke adhikaariyon ne pehle kaha tha ki al neeno prabhaav ke kaaran maunasoon saamaanya se kam rah sakta hai. al neeno ko aamtaur par samudri paani ke garm hone ke saath sambaddh kiya jaata hai. Is bhavishyavaani ko dhyaan mein rakhate hue Assocham ke adhyayan mein paaya gaya hai ki Bhaarat varsh 2016 tak kareeb 2.1 karod tan dalahan ka utpaadan kar sakta hai, jabki agale kuchh saalon mein maang kareeb 2.3 karod tan ho sakti hai. Assocham ke anusaar dalahan ka utpaadan 2.2 se 2.3 karod hekteyar mein kiya jaata hai, jahaan vaarshik utpaadan kareeb 1.3 se 1.8 karod tan ka hota hai. Duniya bhar mein dalahanon ki jitne rakabe mein kheti hoti hai, usamein Bhaarat ka hissa 33 pratishat ka hai aur yahaan vaishvik utpaadan ke 24 pratishat bhaag ka utpaadan hota hai. Desh mein dalahan ki upalabdhata badhaane aur prati vyakti khapat ki sthiti mein sudhaar laane ke liye adhyayan mein praudyogikeeya unnayan, upaj badhaane aur kheti ka rakaba badhaakar utpaadan badhaane par jor diya gaya hai.

'Pyaaj Ki Tarah Chadh Sakte Hain Daalon Ke Daam, Al Neeno Badi Chinta http://www.angrejinews.com/pic/48762