Putin Ke Kreemiya Daure Se America, Europeeya Sangh Naaraaj

Breaking »

Putin Ke Kreemiya Daure Se America, Europeeya Sangh Naaraaj

Roos ke raashtrapati vlaadimeer putin Roos ke raashtrapati vlaadimeer putin Keev: roos ke raashtrapati vlaadimeer putin ke kreemiya daure ne America aur Europeeya sangh ko naaraaj kar diya hai. America ne jahaan ise 'Bhadkaaoo aur anaavashyak' karaar diya hai, vaheen Europeeya sangh ne iski ninda karte hue ise tanaav badhaane vaala kadam bataaya hai. Is beech, Ukraine ke dakshin-poorvi hisse mein roosi samarthakon aur Ukraine ke suraksha balon ke beech jhadap ki khabar bhi hai. 'BBC' ke anusaar, ameriki videsh vibhaag ki pravakta Jennifer saaki ne samvaadadaataaon se kaha, hamaari najar mein yeh daura bhadkaaoo aur anaavashyak hai. Kreemiya Ukraine ka hissa hai aur yeh Ukraine ki samprabhuta ka ullanghan hai. Ham nishchit taur par is sambandh mein roos ki or se uthaae jaane vaale gair-kaanooni evam avaidh kadamon ko maanyata naheen dete. America ki raashtreeya suraksha parishad ki pravakta laura maignusan ne ise tanaav badhaane vaala karaar diya. Europeeya sangh ki videsh neeti ki pramukh Cathrine eshtan ki pravakta maaja koshijaanasik ne kreemiya ke sevaastopol mein sainya pared ke dauraan putin ki upasthiti par dukh jataaya. putin shukravaar ko kreemiya ke sevaastopol shahar pahunche, jahaan unhonne doosare vishvayuddh mein Germany par roos ki jeet ki 69veen varshagaanth aur naajiyon se sevaastopol ki mukti ke 70 varsh poore ho jaane ke mauke par aayojit samaaroh mein hissa liya. roos ke kreemiya pahunchane ke turant baad Ukraine ke videsh mantraalaya ne ek bayaan jaari kar kaha ki isse roos tatha Ukraine ke rishton mein tanaav badhega. Udhar, putin ki kreemiya yaatra ke baad Ukraine ke dakshini-poorvi hisse mein taaja jhadap hui hai. Ukraine ke aantarik maamalon ke mantri aarsen avaakov ne kaha ki maariyoopol mein hui taaja jhadap mein 20 roosi samarthak aur Ukraine ke ek suraksha adhikaari ki maut ho gayi. Ukraine ki sarkaar ka kehna hai ki roosi samarthakon ne ek police mukhyaalaya mein utpaat machaane ki koshish ki, jise niyantrit karne ke liye Ukraine ke suraksha balon ne goli chalaai. Kuchh pratyakshadarshiyon ka haalaanki kehna hai ki suraksha balon ne nihatthe logon par goli chalaai, jo police mukhyaalaya ke bheetar pradarshan kar rahe the. gaurtalab hai ki kreemiya ki sansad ne 17 March ko Ukraine se khud ko svatantr ghoshit kar liya. Baad mein hue ek janamat sangrah mein kreemiya ne roosi sangh mein shaamil hone ke paksh mein matadaan kiya. Roos aur kreemiya ne 18 March ko kreemiya va sevaastopol ganaraajya ko roos mein shaamil karne ki sandhi par hastaakshar kiye. Ukraine aur pashchimi deshon ne haalaanki is janamat sangrah ko avaidh karaar diya hai.

Putin Ke Kreemiya Daure Se America, Europeeya Sangh Naaraaj http://www.angrejinews.com/pic/50166