Puraane Andaaj Mein Dikhe Dhoni, Chhakka Lagaakar Dilaai Chennai Ko Super Jeet

Breaking »

Puraane Andaaj Mein Dikhe Dhoni, Chhakka Lagaakar Dilaai Chennai Ko Super Jeet

Nai dillee7 saal pehle isi maheene hue vishv cup final ki yaadein taaja karaate hue Mahendra Singh Dhoni ne aakhiri over mein usi tarah chhakka lagaate hue chennai super kings ko Budhvaar ko IPL ke match mein royal Challengers Bangalore par 5 wicket se jeet dilaai. Bangalore ne chinnaasvaami stadium par pehle ballebaaji karte hue AB di viliyrs aur kvintan di kaak ke aakraamak ardhashatakon ki madad se 8 wicket par 205 run banaae. Javaab mein main of the match Dhoni (naabaad 70) aur Ambati raayadoo (82) ne chennai ko mushkil lag rahi jeet tak pahunchaaya. Donon ne 5vein wicket ke liye 101 run ki saajhedaari ki, jabki chennai ke 4 wicket 9 over mein 74 run par gir chuke the. Raayadoo ne 53 geind mein teen chaukon aur aath chhakkon ki madad se 82 run banaae, lekin vah 18vein over mein run out ho gaye. Chennai ko aakhiri do over mein jeet ke liye 30 run chaahiye the. Mohammad siraaj ke agale over mein Dhoni ke chhakke samet 14 run bane aur aakhiri over mein 16 run ki jaroorat thi. Dven Bravo ne Anderson ki pehli geind par chauka aur doosari par chhakka lagaane ke baad agali geind par ek run liya. Dhoni ne chauthi geind par laung on mein chhakka lagaakar team ko jeet dilaai aur saabit kar diya ki unhein vishv ke behatareen finishrs mein kyon shumaar kiya jaata hai. Dhoni 34 geind mein ek chauke aur 7 chhakkon ki madad se 70 run banaakar naabaad rahe. Is jeet ke saath chennai 6 maichon mein 10 ank lekar sheersh par pahunch gaya, jabki aaraseebi 4 ank ke saath chhathe sthaan par hai. Is mukaabale mein 33 chhakke lage. Ismein chennai super kings ke ballebaajon ne 17 chhakke lagaae, jabki Bangalore ki or se 16 chhakke lage. Raayadoo ne 8 chhakke lagaae, jabki Dhoni ke naam 7 chhakke lage. Kaafi samay baad poorv bhaarateeya kaptaan ne aisi paari kheli. Is paari ke baad unki fitness ki kaafi charcha hone lagi hai.

Puraane Andaaj Mein Dikhe Dhoni, Chhakka Lagaakar Dilaai Chennai Ko Super Jeet http://www.angrejinews.com/pic/202527