Punjab Drag Racket Bikram Majeethiya Samet Kai Rasookhadaaron Se Poochh-taachh Karne Vaale ED Afsar Ka Isteefa

India »

Punjab Drag Racket Bikram Majeethiya Samet Kai Rasookhadaaron Se Poochh-taachh Karne Vaale ED Afsar Ka Isteefa

Chandigarh Punjab mein charchit bhola-majeethiya drag racket ki jaanch karne vaale pravartan nideshaalaya ke depyuti director niranjan Singh ne shukravaar ko apne pad se isteefa de diya. Punjab mein kareeb 6 hajaar karod rupaye ke drag racket maamale mein tatkaaleen mantri bikram majeethiya aur anya rasookhadaaron se poochh-taachh karne vaale niranjan Singh pravartan nideshaalaya ke tej tarraar afsaron mein se ek kahe jaate rahe hain. Vaheen ritaayarameint ke kareeb 3 saal pehle niranjan Singh ke isteefe se Punjab mein charchaaon ka daur shuroo ho gaya hai. Haalaanki Singh ka isteefa manjoor hua hai ya naheen, iske vishay mein nideshaalaya ki or se koi jaankaari naheen di gayi hai. Bata dein ki niranjan Singh ne Punjab ke charchit bhola majeethiya case mein tamaam rasookhadaar logon se poochh-taachh ki thi. Is maamale mein bikram Singh majeethiya tak jaanch pahunchane ke baad Singh ko January 2015 mein Kolkata transfer kar diya gaya tha. Singh ke transfer ke baad Punjab-Haryana haai court mein unke tabaadale ko chunauti di gayi thi, jiske baad court ne Singh ke bayaan ke aadhaar par tabaadale par rok laga di thi. Haai court mein diye apne bayaan mein Singh ne yeh bhi kaha tha ki vibhaageeya adhikaariyon ke dvaara unako pareshaan kiya ja raha hai aur tabaadala sirf isliye kiya gaya hai kyonki unhonne Punjab ke tamaam rasookhadaaron ke khilaaf jaanch ki thi. Punjab ke do cabinet mantriyon se ki thi poochh-taachh Kaha ja raha hai ki is poore ghatnaakram ke baad se hi Singh tamaam baar vibhaageeya star par uchch adhikaariyon ke khilaaf shikaayat kar chuke the, lekin jab baat naheen bani to unhonne shukravaar ko niji kaaranon ka havaala dete hue jauint director Girish shaahi ko apna isteefa bhej diya. Bata dein ki niranjan Singh ne prasiddh bhola-majeethiya drag case aur mani laundring se jude ek maamale mein tatkaaleen BJP-akaali dal sarkaar ke cabinet mantri bikram Singh majeethiya aur svarn Singh fillaur se poochh-taachh ki thi. Iske alaava is case ke silsile mein Singh ne Punjab ke mukhya sansadeeya sachiv Avinash chandra se bhi savaal-javaab kiye the. Is khabar ko angreji mein yahaan padhein.

Punjab Drag Racket Bikram Majeethiya Samet Kai Rasookhadaaron Se Poochh-taachh Karne Vaale ED Afsar Ka Isteefa http://www.angrejinews.com/pic/227084