Punjab Balaatkaari Ko Mahaj Nau Din Mein Sunaai 10 Saal Ki Saja

Breaking »

Punjab  Balaatkaari Ko Mahaj Nau Din Mein Sunaai 10 Saal Ki Saja

Hoshiarpur: Delhi mein hue gang-rape ke baad deshbhar mein adaalatein bhi mahilaaon par aparaadh ke maamalon ko praathamikta day rahi hain. Punjab ke Hoshiarpur ki ek adaalat ne balaatkaar ke maamale mein chargesheet daakhil karne ke mahaj nau din mein hi faisala suna diya. Doshi ko 10 saal ki saja sunaai gayi hai. Maana ja raha hai ki Hoshiarpur ki yah adaalat desh ki aisi pehli adaalat ban gayi hai, jisne itne kam samay mein kisi doshi ko saja sunaai hai. Doshi ne naabaalig ladki ke saath pichhle saal ke May mein balaatkaar kiya tha. Police ne is maamale ki jaanch kar adaalat mein 2 January ko chargesheet daayar ki thi. Adaalat ne usi din aaropi par aarop tay kar diye aur nau din mein doshi ko kadi saja bhi suna di.

Punjab Balaatkaari Ko Mahaj Nau Din Mein Sunaai 10 Saal Ki Saja http://www.angrejinews.com/pic/299