Priyanka Ne Amethi Mein Esapeeji Ko Apne Kaafile Se Alag Kiya, Prashaasan Halakaan

Breaking »

Priyanka Ne Amethi Mein Esapeeji Ko Apne Kaafile Se Alag Kiya, Prashaasan Halakaan

Amethi: Congress ki star prachaarak Priyanka Gandhi vaadra ne guruvaar ko ek chaunkaane vaale ghatnaakram mein amethi mein prachaar ke dauraan apne saath chal rahe special protekshan group (esapeeji) ke vaahanon ko apne kaafile se alag kar diya aur doosare raaste se chali gain. police adheekshak heeraalaal ne is ghatna ki pushti karte hue bataaya ki Priyanka ne gaureeganj ke najadeek Gandhinagar mein apni gaadi se utarakar aage aur peechhe chal rahi esapeeji ki gaadiyon ko rukava diya aur prachaar ke liye tilaai vidhaanasabha kshetr ke mohanaganj ki taraf chali gain. unhonne bataaya ki Priyanka ko kaasimpur ke paas shaahamaoo mein janasabha ko sambodhit karna tha, lekin unhonne raasta badal diya. Is beech, gruh vibhaag ke pramukh sachiv anil Kumar gupta ne kaha ki Priyanka Gandhi esapeeji ko chhodkar aage chali gain, yeh chintaajanak hai. gaurtalab hai ki Priyanka ko subah 10 baje munsheeganj guest house se niklana tha, lekin vah saadhe 11 baje ke kareeb nikleen. Bataaya jaata hai ki Priyanka esapeeji ke adhikaariyon ke janta ke prati vyavahaar se naaraaj theen. Sootron ke mutaabik sangraamapur mein Congress ke sthaaneeya kaaryakarta poorv blauk pramukh banti Singh ko Priyanka ki janasabha ke dauraan esapeeji ke do javaanon ne haath pakadkar baahar kar diya tha. iske alaava gat 12 April ko Congress upaadhyaksh Rahul Gandhi ke amethi se naamaankan ke dauraan esapeeji ke adhikaariyon ne maala pahanaane ke liye aage badh rahe uttar pradesh Congress ke mahaamantri dharmendr shukla ko kathit roop se maara-peeta tha. iska logon ne kaafi virodh karte hue Priyanka tatha Rahul se iski shikaayat ki thi. Vipakshi dalon ke pratyaashi Priyanka par esapeeji jaise VVIP suraksha ghere mein chalne ko lekar un par tanj kasate rahe hain.

Priyanka Ne Amethi Mein Esapeeji Ko Apne Kaafile Se Alag Kiya, Prashaasan Halakaan http://www.angrejinews.com/pic/49218