Priyanka Ke Fan Ban Gaye Hain Bhansaali

Movies »

Priyanka Ke Fan Ban Gaye Hain Bhansaali

chandramohan sharma sanjaya leela bhansaali ko in dinon Priyanka kuchh jyaada hi pasand aa rahi hai. Yahi vajah hai ki vah Priyanka ke fan ho gaye hain. Daraasal, Priyanka unki film 'Raamaleela' mein apne item number se to bhansaali ko inpres kar hi chuki theen. Ab vah Maricom par ban rahi baayaupik mein kaafi mehnat kar rahi hain. Yeh dekhkar bhansaali ko lag raha hai ki Priyanka bahut hi tailanted aur dediketed hain. Pichhle dinon, bhansaali Maricom ki shooting ke silsile mein dharmashaala pahunche hue the. Boxer Maricom ki life par ban rahi is film mein Priyanka ka kaam dekhkar vah hairaan rah gaye. Bhansaali ne kaha, 'Yakeen maaniye ki main ab Priyanka ka fan ho gaya hoon. Maricom ke liye Priyanka ne khud ko behatareen tarah se dhaala hai. Is kirdaar ke prati usaki lagan, nishtha aur mehnat dekhne ke baad main abhi se use sailyoot karta hoon. ' ek savaal ke javaab mein bhansaali ne kaha ki is film ki hero bhi Priyanka hi hain. Is project ko shuroo karne se pehle vah achhi tarah se jaante the ki is mahilaapradhaan film mein koi naami actor kaam karne ko taiyaar naheen hoga. So unhonne Priyanka ke kirdaar ka taanaabaana kuchh is tarah se buna ki vahi is film ki hero bhi hain. Bhansaali kehte hain ki yeh sab dekhkar unhonne tay kiya hai ki agale saal Priyanka Chopra ko lekar ek aur mahila pradhaan film banaaenge. Is film mein hero ka plaut shaayad gaayab hi rahega. Vaheen, Priyanka ne bhi is rol ko apne ki yeh kirdaar nibhaana unke career ke liye ab tak ki sabse badi chunauti maana. Priyanka ke mutaabik, 'Bhaag milkha bhaag' mein farahaan ka kaam dekhne ke baad unhonne is kirdaar mein poori tarah se dhl jaane ke baad hi film ki shooting mein hissa lene ka faisala kiya.

Priyanka Ke Fan Ban Gaye Hain Bhansaali http://www.angrejinews.com/pic/49916