Priyanka Ke Baad Rahul Ne Bhi Mahila Ki 'Jaasoosi Ke Mudde Par Modi Par Bola Hamla

Breaking »

Priyanka Ke Baad Rahul Ne Bhi Mahila Ki 'Jaasoosi Ke Mudde Par Modi Par Bola Hamla

Rahul Gandhi ki file tasveer Rahul Gandhi ki file tasveer Seetaapur: Congress ki star prachaarak Priyanka Gandhi dvaara mahila jaasoosi prakaran mein BJP ke pradhaanamantri pad ke ummeedavaar Narendra Modi par nishaana saadhe jaane ke ek din baad unke bhaai party upaadhyaksh Rahul Gandhi ne kaha ki Gujarat sarkaar mahilaaon ki ijjat naheen karti, kyonki vah unke phone taip karaati hai. Rahul ne haragaanv mein ek chunaavi sabha ko sambodhit karte hue kaha ki Modi mahilaaon ko sammaan dene ke bade-bade daave karte hain, lekin sachchaai yeh hai ki Modi ki Gujarat sarkaar auraton ki ijjat naheen karti. Yahi vajah hai ki vah mahilaaon ki phone par baatcheet ko tape karavaati hai. gaurtalab hai ki Modi sarkaar par kuchh aisa hi hamla Priyanka ne Budhvaar ko apni maan Congress adhyaksh soniya Gandhi ke sansadeeya nirvaachan kshetr raayabareli mein aayojit nukkad sabhaaon mein bhi kiya tha. Unhonne kaha tha ki mahila sashakteekaran ki baat karne vaale log kamron mein baithakar mahilaaon ki baatein sunate hain. Aise log mahilaaon ka sammaan kya kareinge. Rahul ne kaha ki Modi ne Gujarat mein kisaanon ki 45 hajaar ekad jameen maatr ek rupaye vargameetar ke hisaab se ek audyogik samooh ko saunp di. Us jameen par aaj tak ek bhi audyogik ikaai sthaapit naheen hui. Unhonne kaha ki desh ki raksha ke daave karne vaale Modi ne apni hi party ke varishth netaaon Lal Krishna Advani aur jasavant Singh ko kinaare laga diya. Rahul ne kaha ki agar kendra ki kaangresaneet UPA ne raashtreeya graameen rojagaar guaranty yojana na shuroo ki hoti, to Gujarat ke kisaan mar gaye hote.

Priyanka Ke Baad Rahul Ne Bhi Mahila Ki 'Jaasoosi Ke Mudde Par Modi Par Bola Hamla http://www.angrejinews.com/pic/48471