Premika Ke Pati Ki Mel Eskaurt Website Par Banaai Profaail, Giraftaar

Breaking »

Premika Ke Pati Ki Mel Eskaurt Website Par Banaai Profaail, Giraftaar

Saaibaraabaad Telangaana ke saaibaraabaad ilaake ki police ne ek poorv private teacher ko eskaurt website par farji profaail banaane ke maamale mein giraftaar kiya hai. Gaayatri nagar mein rahane vaale shekh Saeed urf Ram avait Reddy (32) ne apni premika ke pati ke naam se ek eskaurt website par farji profaail bana daali thi. Police ne pehle bhi use ek dhokhaadhadi case mein giraftaar kiya tha. Shekh Saeed ne do saal tak private school mein padhaaya aur baad mein guntaakaal mein medical reprejeintetiv ke taur par kaam kiya. Haal hi mein vah Hyderabad aaya aur jaub kansalteint ke taur par kaam kiya. Usane naukri talaash rahe yuvaaon ko rijhaane ke liye Facebook aur vautsaaip ka sahaara liya. Sharmila naamak mahila ne usase naukri ke liye sampark kiya aur kuchh dinon mein donon ko pyaar ho gaya. Naheen maane the ladki ke gharavaale Jab is vyakti ne sharmila ko prapoj kiya to mahila ne bataaya ki dharm alag-alag hone ki vajah se ghar vaale naheen maaneinge. Usane khud ko sharmila ke gharwaalon ke saamane Ram avait ke roop mein pesh kiya lekin fir bhi gharwaalon ne rishte ke liye haami naheen bhari. Ladki ke gharwaalon ne usaki shaadi kaheen aur tay kar di to Saeed ne ladke pakshavaalon ko phone karke shaadi na karne ki dhamaki di. Iske baad shaadi kainsal ho gayi. Saeed ne sharmila ke gharwaalon se maafi maangi aur kaha ki vah ladka dhoondhane mein madad karega. Isi bahaane vah sharmila ke ghar aane-jaane laga. Pichhle saal sharmila ka shaadi santosh ke saath hui. Sharmila ne shaadi ke pehle din hi apne pati ko bataaya ki unhein ajast karne mein kuchh samay lagega. Santosh ne sharmila ki baat maan li. Baad mein Saeed ne santosh ke naam aur photo ko istemaal karke ek mel eskaurt website par unke naam se account bana liya. Usane fek account banaakar naukri dhoondh rahe yuvaaon ko bhi thag liya aur naukri bhi naheen dilaai. Ladki ne profaail dekhkar toda pati se rishta Sharmila ko yeh profaail dikhi to usane ise santosh ko dikhaaya. Usane apne gharwaalon ko baat bataai aur apne maayake aa gayi. Sharmila ne apne gharwaalon se kah diya ki ab vah is rishte ko aage naheen badhaana chaahati hain. Vaheen satosh ne maamale ki shikaayat police se ki. Police ko jaanch mein pata chala ki sab kiya-dhara Saeed ka hai. Police ne case rajistar karke Saeed ko giraftaar kar liya, abhi iski bhi jaanch ki ja rahi hai ki ismein sharmila ka bhi haath to naheen hai! Is khabar ko telugu mein padhne ke liye yahaan klik karein.

Premika Ke Pati Ki Mel Eskaurt Website Par Banaai Profaail, Giraftaar http://www.angrejinews.com/pic/211201