Pratyaksh Raajaneeti Mein Lipt Ho Rahe Hain Raajyapaal, DMK Kaale Jhande Dikhaati Rahegi MK Staalin

India »

Pratyaksh Raajaneeti Mein Lipt Ho Rahe Hain Raajyapaal, DMK Kaale Jhande Dikhaati Rahegi MK Staalin

Chennai Tamil Nadu mein raajyapaal banavaareelaal purohit aur vipakshi dalon ke beech chal rahe vivaad ne ek naya mod le liya hai. Ravivaar ko Rajbhavan ki or se jaari chetaavani ke baad Dravid munetr kajhaagam (DMK) ke kaaryavaahak adhyaksh MK staalin ne ninda karte hue raajyapaal par pratyaksh raajaneeti mein lipt hone ka aarop lagaaya. Vaheen, Rajbhavan ki taraf se jaari bayaan mein saaf kaha gaya hai ki raajyapaal aane vaale maheenon mein jilon mein apne daure jaari rakheinge. Ismein saaf shabdon mein kaha gaya hai ki Bhaarat ke raashtrapati ya kisi raajya ke raajyapaal par dabaav daalne ki mansha se unke kaaryon ya shaktiyon mein baadha pahunchaane ki koshish karne vaalon ko saat saal tak ki saja ho sakti hai aur jurmaana bhi lagaaya ja sakta hai. Kaale jhande dikhaakar raajyapaal ka virodh Idhar, staalin ne yeh bhi kaha, 'DMK raajyapaal ke daure par kaale jhande dikhaakar apna virodh jaari rakhegi. DMK, sarkaari vibhaag ke review ke liye raajyapaal ke daure ke khilaaf hai kyonki unka yeh raajya ke saamantavaadi dhaanche mein dakhalandaaji ka prayaas hai. ' MK staalin ne Rajbhavan ke bayaan par nishaana saadhate hue kaha ki Governor dvaara is tarah ka review kisi BJP shaasit raajya ya fir pashchim Bengal jaise raajya mein naheen hua jahaan ek majaboot kshetreeya party satta mein hai. Yahaan tak ki Tamil Nadu ke itihaas mein bhi is tarah ka daura pehle kabhi naheen hua. Padhein: Tamil Nadu: Raajyapaal banavaari laal purohit ne dabaav daalanevaalon ko di chetaavani Bata dein ki shukravaar ko raajyapaal ke namakkal daure ke dauraan DMK kaaryakartaaon ne kaale jhande dikhaakar virodh kiya tha. Iske baad kai deemake netaaon ko hiraasat mein liya gaya tha. Iske virodh mein shanivaar ko staalin ke netrutv mein Rajbhavan ke aage ek juloos nikaala gaya tha. Rajbhavan ne bayaan jaari kar di chetaavani Vaheen ravivaar ko hi raajyapaal kaaryaalaya ki or se bayaan jaari kar raajyapaal ko daraakar niyantrit karne ki koshish karne vaalon ke khilaaf kadaai se nipatne ki chetaavani di gayi thi. Bayaan mein Rajbhavan ne kaha ki raajyapaal aane vaale maheenon mein jilon mein apne daure jaari rakheinge aur raajyapaal ka kaaryaalaya bhaarateeya dand sanhita (IPC) ki dhaara 124 ke tahat sanrakshit hai. Ismein kaha gaya ki daraakar niyantran mein karne ya hamla ya aaparaadhik taakaton ka istemaal karne ke prayaas se kaanoon ke anusaar nipta jaaega. '. . . To ho sakti hai 7 saal ki saja'Ismein yeh bhi kaha gaya ki Bhaarat ke raashtrapati ya kisi raajya ke raajyapaal par dabaav daalne ki mansha se unke kaaryon ya shaktiyon mein baadha pahunchaane ki koshish karne vaalon ko saat saal tak ki saja ho sakti hai aur jurmaana bhi lagaaya ja sakta hai. Raajyapaal ke kaaryon mein baadha pahunchaane mein galat tareeke se rokane ya hamla karne ya unhein dara kar niyantrit karne ki koshish ya aaparaadhik bal ya inka istemaal aadi shaamil hai. 'Palaanisaami sarkaar ko jhukane ki aadat hai' Ismein yeh bhi kaha gaya hai ki kaaryakaari pramukh ke taur par raajyapaal ko raajya ke adhikaariyon se milne aur unase baatcheet karne ki nirbaadh svatantrata hai. Vaheen Tamil Nadu sarkaar ko bhi lapete mein lete hue staalin ne kaha ki raajyapaal aur kendra sarkaar ke aage jhukane ki aadat ke chalte palaanisaami sarkaar bhale hi is iska virodh na kare lekin DMK ek drudh nishchaya waali party hai aur Federal system mein raajya ke adhikaaron ki raksha ke liye hamesha ladti I hai aur aage bhi ise jaari rakhegi.

Pratyaksh Raajaneeti Mein Lipt Ho Rahe Hain Raajyapaal, DMK Kaale Jhande Dikhaati Rahegi MK Staalin http://www.angrejinews.com/pic/211149