Pratispardha Aayog Ne BCCI Par 52 Karod Ka Jurmaana Thoka

Cricket »

Pratispardha Aayog Ne BCCI Par 52 Karod Ka Jurmaana Thoka

Nai Delhi: Pratispardha aayog ne shukravaar ko kaha ki usane bhaarateeya cricket board ko pratispardhaarodhi gatividhiyon mein sanlipt paaya hai aur iske liye us par 52.24 karod rupaye ka jurmaana lagaaya hai. Bhaarateeya pratispardha aayog ne paaya ki BCCI ne apne varchasv ka durupayog kiya. Usane BCCI ko bhavishya mein is tarah ki gatividhiyon se door rahane ke nirdesh diye. Seeseeaai ne apne aadesh mein kaha, BCCI ki harkat gambhir hai aur jurmaana bhi usi ke anuroop lagaaya jaana jaroori tha. Is vyaapaar niyaamak ne BCCI par 52.24 karod rupaye ka jurmaana lagaaya hai. BCCI ke khilaaf Delhi ke surindar Singh barmi ne November, 2010 mein shikaayat darj karaayi thi. Unke aarop BCCI dvaara aayojit IPL aur peshevar cricket league tournament ke sambandh mein the. Shikaayatakarta ne team ke maalikaana hak ke liye freinchaaiji adhikaar, league ki coverage ke liye media adhikaar aur praayojan adhikaar dene mein aniyamitataon ke aarop bhi lagaae the. Niyaamak ne kaha, vaastav mein baajaar mein koi anya pratispardhi naheen hai aur BCCI ki poore baajaar par ekachhatr raaj karne ki rananeeti ke kaaran koi anya ubhar bhi naheen pa raha hai. Ismein kaha gaya hai ki BCCI ki anya pratispardhiyon ko baahar rakhane aur apne rutabe ka istemaal vaastavik niyaamak sanstha ke roop mein karne ke kaaran kai anya ko pratispardhi league shuroo karne se rok diya hai.

Pratispardha Aayog Ne BCCI Par 52 Karod Ka Jurmaana Thoka http://www.angrejinews.com/pic/1493