Prashansakon Ke Pyaar Ne Mere Career Mein Badi Bhoomika Nibhaai Tendulkar

Cricket »

Prashansakon Ke Pyaar Ne Mere Career Mein Badi Bhoomika Nibhaai  Tendulkar

Mumbai: Senior ballebaaj sachin Tendulkar ne kaha ki duniya bhar mein cricket ke deevaane bhaarateeya prashansakon se mile pyaar aur dulaar ne unke career mein badi bhoomika nibhaai aur unhonne pita ko prerana srot bataaya. Tendulkar ne paarshvagaayika aasha bhonsale ke acting padaarpan waali film 'Maai' ke sangeet ke launch ke mauke par mangalvaar ko kaha, mere career mein jis cheej ne badi bhoomika nibhaai, vah duniya bhar mein bhaarateeya cricket ke samarthakon se mila pyaar aur dulaar hai. Champion khilaadiyon ko alag-alag sroton se prerana milti hai aur Bhaarat ki or se sarvaadhik test khelne vaale ballebaaj Tendulkar ki prerana unke divangat pita ramesh Tendulkar hain. Unhonne kaha, main nishchit taur par kah sakta hoon ki mere pita prerana srot hain. Iske baad mere bhaaiyon ka bada prabhaav raha aur iske baad meri patni aur unke maata-pita ka. Ve bhi aham bhoomika nibhaate hain. Pratyek charan mein kuchh lakshya the, jinhein haasil kiya jaana tha aur iske liye prerit karne waali kuchh cheejein maujood theen. Tendulkar ne is dauraan aasha bhonsale ki bhi taareef ki. Unhonne kaha, sabhi ko pata hai ki Ashaji ka bhaarateeya sangeet par kis tarah ka prabhaav hai. Main unka sangeet sunate hue badha hua. Mera pasandeeda geet 'In aankhon ki masti ke' (umaraav jaan) hai jo unhonne mere aur meri patni ke liye bhi gaaya tha. Yeh poochhane par ki kya vah filmon mein aa sakte hain, Tendulkar ne kaha, jab tak main cricket khel raha hoon, tab tak sirf cricket hai. Main ek baar mein ek kaam karoonga.

Prashansakon Ke Pyaar Ne Mere Career Mein Badi Bhoomika Nibhaai Tendulkar http://www.angrejinews.com/pic/393