Prakaash Singh Baadal Ko Chunaav Aayog Ne Jaari Kiya Kaaran Bataao Notice

Breaking »

Prakaash Singh Baadal Ko Chunaav Aayog Ne Jaari Kiya Kaaran Bataao Notice

File photo File photo Nai Delhi: chunaav aayog ne Budhvaar ko Punjab ke mukhyamantri prakaash Singh baadal ko kaaran bataao notice jaari kiya. Baadal ko yeh notice is vajah se jaari kiya gaya hai kyonki unhonne kathit taur par bayaan diya tha ki chunaavon mein kharch to karodon rupaye kiye jaate hain par jaankaari bahut kam paison ki di jaati hai. baadal ne kathit taur par logon se yeh bhi kaha tha ki ve prachaar ke liye gupt tareeke se dhan dein. baadal dvaara pratham drushtaya aachaar sanhita ke ullanghan kiye jaane ki baat maanate hue aayog ne unhein 2 May ki shaam tak apne kathit bayaan par safaai dene ko kaha hai. Yadi baadal ne 2 May ki shaam tak javaab daakhil naheen kiya to aayog unhein soochana diye bagair kaarravaai karega. Punjab Congress ke ek neta ki shikaayat par kaarravaai karte hue aayog ne kaha ki aadarsh aachaar sanhita ka praavadhaan spasht hai ki 'Sabhi party aur ummeedavaar aisi bhi gatividhiyon se parahej kareinge jo bhrasht hoti hain aur chunaavi kaanoon ke tahat aparaadh hoti hain. . . ' baadal ne 12 April ko Jalandhar mein kathit taur par bayaan diya tha ki 'Prachaar par karodon roopae kharch kiye jaate hain jabki ham apne kharch mein bahut kam ki jaankaari dete hain. . Gupt tareeke se deejiye, khuleaam naheen. ' aayog ne baadal ko janapratinidhitv kaanoon, 1951 ki dhaara 77 ki bhi yaad dilaai jiske tahat sabhi ummeedavaaron ko chunaav ke silsile mein hue kharch ke baare mein sahi-sahi jaankaari deni hoti hai.

Prakaash Singh Baadal Ko Chunaav Aayog Ne Jaari Kiya Kaaran Bataao Notice http://www.angrejinews.com/pic/49146