Pradhaanamantri Manmohan Singh Shanivaar Ko Kareinge Cabinet Ki Antim Baithak, Hoga Vidaai Samaaroh

Breaking »

Pradhaanamantri Manmohan Singh Shanivaar Ko Kareinge Cabinet Ki Antim Baithak, Hoga Vidaai Samaaroh

File photo File photo Nai Delhi: pradhaanamantri Manmohan Singh shanivaar ko antim baar apni cabinet ke baithak leinge. Bataaya ja raha hai ki apne cabinet ke staaf aur sahayogiyon ki saath Manmohan Singh ki yeh baithak hone ja rahi hai. Kaha ja raha hai ki is baithak mein pharma sector mein FDI par charcha ke baad manjoori di ja sakti hai. ullekhaneeya hai ki pradhaanamantri Manmohan Singh ko Congress adhyaksh soniya Gandhi 14 May ko vidaai raatribhoj deingi. sootron ke anusaar Singh ko ek smruti chinh diya ja sakta hai jis par Congress kaaryasamiti ke sabhi sadasyon aur keindreeya mantriyon ke hastaakshar ho sakte hain. samprag adhyaksh soniya dvaara yeh raatribhoj Loksabha chunaav nateeje ghoshit hone se do din pehle aayojit hai. pradhaanamantri Loksabha chunaav ke nateeje ghoshit hone ke agale din 17 May ko apna pad chhod deinge. unhonne is saal ke praarambh mein hi agali baar is pad ki daud mein shaamil naheen hone ki ghoshana ki thi. Unhonne das saal tak samprag sarkaaron ki kamaan sambhaali. apna pad chhodne se ek din pehle vah raashtra ke naam apna vidaai bhaashan dene vaale hain. Congress ke neta hamesha se pradhaanamantri aur soniya Gandhi ke beech ke sambandh ko aadarsh kaaryavibhaajan bataate rahe hain jisse sarkaar aur party ke beech taalamel bana raha. Congress hamesha se kehti rahi hai ki party adhyaksh or pradhaanamantri ke beech isse behtar sambandh naheen ho sakta hai aur vah in donon ke beech matabhed ki khabaron ko afavaah aur dushprachaar kehkar khaarij karti rahi hai.

Pradhaanamantri Manmohan Singh Shanivaar Ko Kareinge Cabinet Ki Antim Baithak, Hoga Vidaai Samaaroh http://www.angrejinews.com/pic/50425