Pradhaanamantri Manmohan Singh Ne Duniya Bhar Ke Netaaon Ko Likhi Vidaai Chitthi

Breaking »

Pradhaanamantri Manmohan Singh Ne Duniya Bhar Ke Netaaon Ko Likhi Vidaai Chitthi

File photo File photo Nai Delhi: padamukt hone ki taiyaari kar rahe pradhaanamantri Manmohan Singh ne ameriki raashtrapati Barack Obama, cheen ke poorv pradhaanamantri ven chyaabaao aur roos ke raashtrapati blaadimeer putin sahit vibhinn deshon ke netaaon ko vidaai patra likhe hain. sootron ne bataaya ki Singh ne Germany ki chaansalar enjela markel ko bhi patra likha hai. Unhonne varshon tak milkar kaam karne ki baat ko yaad karaate hue sabhi netaaon ka dhanyavaad kiya hai. cheen ke poorv pradhaanamantri ne Manmohan Singh ko apna javaab bhi bhej diya hai. Haath se likhe patra mein ven ne Singh ke netrutv aur donon deshon ke beech behtar sambandh banaane mein madad ke liye unki saraahana ki hai. Manmohan Singh aur ven pradhaanamantriyon ke roop mein darjan bhar se adhik baar mil chuke hain aur donon ke beech achhi ghanishtata hai. ven ne padamukt hone ke baad Manmohan Singh ke sammaan mein dopahar bhoj ka aayojan kiya tha. Ye aayojan Singh ki pichhle saal Beijing yaatra ke dauraan hua tha. apne sambandhon ko yaad karte hue ven ne kaha ki donon neta kisi gaadi ke sadhe haath vaale draaivaron ki tarah hain, jo sahi disha mein gaadi chalaate hain. iske alaava pradhaanamantri Manmohan Singh aur ameriki raashtrapati Barack Obama ke beech shikhar star ki teen baithakein hui aur kai bahupaksheeya manchon par bhi unhonne kai baar mulaakaat ki. Isi tarah Singh putin se kai baar mile. Inmein vaarshik shikhar baithakein shaamil hain.

Pradhaanamantri Manmohan Singh Ne Duniya Bhar Ke Netaaon Ko Likhi Vidaai Chitthi http://www.angrejinews.com/pic/50186