Pradhaanamantri Manmohan Singh Aaj Leinge Cabinet Ki Antim Baithak, Shanivaar Ko Deinge Isteefa

Breaking »

Pradhaanamantri Manmohan Singh Aaj Leinge Cabinet Ki Antim Baithak, Shanivaar Ko Deinge Isteefa

File photo File photo Nai Delhi: pradhaanamantri Dr Manmohan Singh mangalvaar ko antim baar apne cabinet ki baithak lene ja rahe hain. Bataaya ja raha hai ki cabinet ke staaf aur sahayogiyon ke saath hone ja rahi Manmohan Singh ki is baithak mein pharma sector mein FDI par charcha ke baad use manjoori di ja sakti hai. Vaise bataaya gaya hai ki pradhaanamantri Loksabha chunaav ke nateeje ghoshit hone ke agale din, yaani 17 May ko apna pad chhod deinge. vaheen, aaj peeemao ke staaf ne pradhaanamantri ko garmajoshi ke saath vidaai di. ullekhaneeya hai ki pradhaanamantri Manmohan Singh ko Congress tatha UPA adhyaksh soniya Gandhi 14 May ko vidaai raatribhoj bhi dene ja rahi hain. Sootron ke anusaar raatribhoj ke dauraan Dr Manmohan Singh ko ek smrutichihn bhi diya ja sakta hai, jis par Congress kaaryasamiti ke sabhi sadasyon ke atirikt keindreeya mantriyon ke bhi hastaakshar ho sakte hain. ullekhaneeya hai ki Loksabha chunaav 2014 ke liye matadaan sampann ho chuka hai, aur mataganana 16 May ko hone ja rahi hai. Unhonne is saal ke aarambh mein hi agali baar is pad ki daud mein shaamil naheen hone ki ghoshana ki thi. Dr Manmohan Singh ne 10 saal tak UPA sarkaaron ki kamaan sambhaali hai, aur pad chhodne se ek din pehle vah raashtra ke naam apna vidaai bhaashan bhi dene vaale hain. Congress ke neta hamesha se pradhaanamantri aur Congress adhyaksh soniya Gandhi ke beech ke sambandhon ko aadarsh kaaryavibhaajan bataate rahe hain, jisse sarkaar aur party ke beech taalamel bana raha. Congress hamesha se kehti rahi hai ki party adhyaksh or pradhaanamantri ke beech isse behtar sambandh naheen ho sakte, aur vah in donon ke beech matabhed ki khabaron ko afavaah aur dushprachaar kehkar khaarij karti rahi hai.

Pradhaanamantri Manmohan Singh Aaj Leinge Cabinet Ki Antim Baithak, Shanivaar Ko Deinge Isteefa http://www.angrejinews.com/pic/50437