Pradhaanamantri Bataaen Neerav Modi 22 Hajaar Karod Rupaye Lekar Kaise Bhaag Gaya Rahul Gandhi

Breaking »

Pradhaanamantri Bataaen Neerav Modi 22 Hajaar Karod Rupaye Lekar Kaise Bhaag Gaya Rahul Gandhi

Ataani Jan aasheervaad yaatra ke tahat chunaavi raajya Karnataka ke ataani pahunche Congress adhyaksh Rahul Gandhi ne 12veen sadi ke prakhyaat kannad kavi basavanna ka havaala dekar pradhaanamantri Narendra Modi par jamkar hamla bola. Unhonne pradhaanamantri Modi aur unki party par jhooth bolne, vaade poora naheen karne, bhrashtaachaar par chup rahane, nafarat failaane aur apni badaai karne ka aarop lagaaya. Unhonne maang ki pradhaanamantri yeh bataaen ki neerav Modi 22 hajaar karod rupaye lekar kaise bhaag gaya. Ataani mein janasabha ko sambodhit karte hue Rahul Gandhi ne kaha, 'Modi ji basavanna ji ko aadarsh maanate hain lekin unki baaton ko amal mein naheen laate. Modi ji ne 15 lakh dene aur karodon yuvaaon ko rojagaar dene vaada kiya tha lekin aaj tak poora naheen kar sake hain jabki basava ji kehte the ki jo vaada karo, use poora karo. Hamaari Karnataka sarkaar ne kisaanon ka karj maaf kiya. Modi ji ne poore desh mein 55 hajaar karod rupaye SC aur ST ko diya jabki humne akele Karnataka mein iska aadha yaani 27 hajaar karod de diya. ' Rahul ne kaha, 'Basavanna ji ne kaha tha ki chori mat karo, hinsa mat karo, jhooth mat bolo, apni badaai mat karo aur gussa mat failaao. Modi ji kehte hain ki Congress ki sarkaar Karnataka mein bhrasht hai. Vah jab yeh kehte hain ki unke daayeen taraf yediyurappa ji hote hain jo jail gaye the aur baayeen taraf bhrasht mantri hote hain. Modi ne raafel maamale par kuchh naheen kaha. Jaya shaah ke baare mein kuchh naheen bolte jinki sampatti itni badh gayi. 22 hajaar karod rupaye neerav Modi lekar bhaag jaate hain lekin Modi ji kehte hain ki kaarravaai kareinge. Modi ji pehle yeh bataaie neerav ne 22 hajaar karod rupaye kaise nikaale. ' 22000 karod rupaye ka ghotaala hota hai, neerav Modi Hindustan ke bank se 22000 karod rupaye uthaakar bhaag jaata hai aur Modi ji… https: //t. Co/funn7CQsr0 — Congress (@INCIndia) 1519464567000 ' har cheej ka kredit khud lete hain Modi' Unhonne kaha, 'Basavanna ji ne kaha tha ki hinsa mat karo lekin Gujarat aur uttar pradesh mein daliton aur alpasankhyakon ko maara ja raha hai. Aapki party nafarat failaane ka kaam karti hai. 15 lakh rupaye dene ka vaada kiya tha lekin vah jhooth nikla. Use jumala bataaya. Poore Hindustan mein vah kehte hain ki Narendra Modi se pehle kuchh naheen hua. Har cheej ka kredit khud lete hain jabki basava ji ne kaha tha ki apni badaai mat karo. ' Congress adhyaksh ne kaha, 'Chunaav vaale hain aur apni baat pyaar se uthaaenge. Pichhle saal paanch saalon mein Karnataka mein vikaas ka kaam hua hai. Humne aapse jhoothe vaade naheen kiye. Humne jo kaha, vah karke dikhaaya hai. Main yuvaaon se kehna chaahata hoon ki vah man ki baat naheen balki kaam ki baat sunein. Meri aapse appeal hai ki Congress party ko vote dein. ' bata dein, Karnataka mein jald hi vidhaanasabha chunaav hone vaale hain. Isko dekhte hue sattaaroodh BJP aur Congress mein jubaani jang tej ho gayi hai.

Pradhaanamantri Bataaen Neerav Modi 22 Hajaar Karod Rupaye Lekar Kaise Bhaag Gaya Rahul Gandhi http://www.angrejinews.com/pic/194095