Prabhu Ne Kaha Ki Air India Ke Nijeekaran Ke Prayaas Bevakt Kiye Gaye

Business »

Prabhu Ne Kaha Ki Air India Ke Nijeekaran Ke Prayaas Bevakt Kiye Gaye

Mumbai, 16 November (bhaasha) ghaate mein chal rahi air India ke nijeekaran ke prayaas bevakt kiye jaane ki baat sveekaar karte huye naagar vimaanan mantri suresh prabhu ne shukravaar ko kaha ki airline tab tak laabh naheen utha sakti jab tak ki iski uchch vitteeya laagat ke muddon ko naheen nibtaaya jaata hai. gaurtalab hai ki sarkaar kareeb ek saal tak yojana par kaam karne ke baad is saal ki shurooaat mein vimaan seva ke liye ek aavedak ki talaash karne mein vifal rahi. shukravaar der shaam yahaan maneekantrol samaachaar website dvaara aayojit ek puraskaar samaaroh mein prabhu ne kaha, ''Asal mein samay (air India ke nijeekaran ke liye) galat tha. Yeh vah samay hai jab vaishvik airline udyog ki haalat bhi achhi naheen thi. '' unhonne kaha ki airline tab tak munaafa naheen kama sakti hai jab tak ham iski vitteeya laagat samasya ke saath naheen niptate hain.

Prabhu Ne Kaha Ki Air India Ke Nijeekaran Ke Prayaas Bevakt Kiye Gaye http://www.angrejinews.com/pic/235172