Posco Ke Liye Bhoomi Adhigrahan Filhaal Sthagit

Business »

Posco Ke Liye Bhoomi Adhigrahan Filhaal Sthagit

Bhuvaneshvar: Orissa ke jagatasinhapur jile mein Posco ki 12 arab dollar ki ispaat pariyojana ka sthaaneeya logon dvaara virodh kiye jaane ke chalte raajya sarkaar ne taatkaalik roop se pariyojana ke liye bhoomi adhigrahan ka kaam sthagit kar diya hai. Ek varishth jila prashaasanik adhikaari ne kaha, pariyojana sthal par aur samasya paida hone se rokane ke liye humne kaam sthagit karne ka faisala kiya hai. Unhonne kaha ki police haalaanki pariyojana sthal par tainaat rahegi. 1.2 karod tan salaana ispaat kshamata vaala Posco ka prastaavit sanyantr, bandargaah shahar paaraadeep ke nikat banane vaala hai aur yah desh mein sabse bada videshi nivesh hoga. Sthaaneeya virodh ke kaaran haalaanki kaarya mein koi pragati naheen ho paai hai. Pariyojana ko lekar sarkaar ka daava hai ki isse sthaaneeya star par rojagaar mein vruddhi hogi, jabki sthaaneeya logon ko kehna hai ki isse unki van aadhaarit jeevika chaupat ho jaaegi. Prashaasan pehle pariyojana ke liye 2,000 ekad bhoomi ka adhigrahan kar chuka hai aur ab Gobindpur gaanv mein 700 ekad aur bhoomi adhigrahan karna chaahata hai. Prashaasan is saptaah 200 ekad bhoomi ka adhigrahan kar chuki thi, lekin Budhvaar ko mahilaaon aur bachchon sahit saikadon graameenon ne adhikaariyon ko aage kaam karne se rok diya.

Posco Ke Liye Bhoomi Adhigrahan Filhaal Sthagit http://www.angrejinews.com/pic/1405