Poorvottar Mein Madhyam Teevrata Ka Bhookamp Ka Jhatka

Breaking »

Poorvottar Mein Madhyam Teevrata Ka Bhookamp Ka Jhatka

Shillong: Desh ke poorvottar kshetr mein Budhvaar ko madhyam teevrata ka bhookamp ka jhatka mahasoos kiya gaya, haalaanki iske kaaran abhi tak jaanmaal ke nuksaan ki koi khabar naheen hai. Kshetreeya bhookamp sarvekshan kendra ke adhikaariyon ne kaha ki bhookamp subah saat baj kar 12 minute par aaya aur richter paimaane par iski teevrata 5.9 darj ki gayi. Iska kendra Bhaarat-Myanmar seema par pruthvi ke tal mein 89 kilometer andar keindrit tha. Unhonne kaha ki bhookamp ka jhatka kuchh second tak kshetr ke sabhi shaharon mein mahasoos kiya gaya. Mijoram bhoogarbh aur khanij vibhaag ke sanyukt nideshak Doctor H laalenamaaviya ne kaha ki bhookamp ka kendra Nagaland ka fek jila tha. Unhonne kaha ki bhookamp ke baare mein takaneeki soochana asam ke jorahat sthit uttar poorv vigyaan evam praudyogiki sansthaan ke bhookampeeya kendra se praapt hui hai. Bhookamp ka jhatka itaanagar, Guwahati, Agartala, kohima aur Imphal mein mahasoos kiya gaya. Imphal se mili khabar mein kaha gaya hai ki bhookamp ka jhatka kareeb ek minute tak mahasoos kiya gaya. Police ne kaha ki bhookamp ke kaaran abhi tak kshetr mein jaanmaal ke nuksaan ki koi khabar naheen hai, lekin bhayabheet log suraksha ki drushti se sadkon par nikal aae the.

Poorvottar Mein Madhyam Teevrata Ka Bhookamp Ka Jhatka http://www.angrejinews.com/pic/211