Poorv PM Vajpayee Ke Svaasthya Mein Sudhaar, Kuchh Dinon Mein Mil Sakti Hai Chhutti

Breaking »

Poorv PM Vajpayee Ke Svaasthya Mein Sudhaar, Kuchh Dinon Mein Mil Sakti Hai Chhutti

Nai Delhi Akhil bhaarateeya aayurvigyaan sansthaan (ems) ne poorv pradhaanamantri atal bihaari Vajpayee ki medical buletin jaari kar bataaya ki unki sehat mein kaafi sudhaar hai aur ummeed ki ja rahi hai ki unhein agale kuchh dinon mein chhutti de di jaaegi. Bata dein ki Vajpayee ko 11 June ko ems mein bharti karaaya gaya tha aur us vakt aisi jaankaari di gayi thi ki unhein rooteen check-ap ke liye bharti karaaya gaya hai, lekin check-ap ke baad unhein aspataal se tatkaal chhutti na milne ke kaaran unke svaasthya ko lekar chintaaen badhne lagi theen. Idhar, Budhvaar ko medical buletin jaari karte hue ems ke Doctor ne kaha, 'Atal bihaari Vajpayee ko 11 June ko ems mein bharti karaaya gaya tha. Iske baad varishth doctoron ki team ne unke svaasthya ki jaanch ki. Unhein sankraman ke saath hi kanjeshan ki samasya thi. ' Unhonne aage bataaya, 'Unki sehat mein pichhle 48 ghante mein kaafi sudhaar dekha gaya hai. Unki kidni saamaanya tareeke se kaam kar rahi hai, beepi aur heart rate bhi sahi hai. Ummeed hai ki agale kuchh dinon mein unki sehat mein poora sudhaar ho jaaega aur unhein kuchh dinon mein chhutti de di jaaegi. ' Bata dein ki somvaar shaam ko pradhaanamantri Narendra Modi aur amit shaah sahit BJP ke kai varishth netaaon ne ems pahunch kar Vajpayee ka haalachaal jaana. In sabse pehle Congress adhyaksh Rahul Gandhi poorv PM se milne ems pahunche aur unke svaasthya ki jaankaari li. Ullekhaneeya hai ki svaasthya kharaab hone ke saath hi Vajpayee dheere-dheere saarvajanik jeevan se door hote chale gaye aur kai saal se vah apne ghar par hi hain. BJP ke sansthaapakon mein shaamil Vajpayee 3 baar desh ke pradhaanamantri rahe. Vah pehle aise gair-Congressi pradhaanamantri rahe hain jinhonne apna kaaryakaal poora kiya. Unhein desh ke sarvochch naagrik sammaan Bhaarat ratn se sammaanit kiya ja chuka hai.

Poorv PM Vajpayee Ke Svaasthya Mein Sudhaar, Kuchh Dinon Mein Mil Sakti Hai Chhutti http://www.angrejinews.com/pic/209448