Poorv Niyantrak Mahaalekha Pareekshak Vinod Rai Ko Padmanaath Mandir Sampatti Ke Audit Ka Aadesh

Breaking »

Poorv Niyantrak Mahaalekha Pareekshak Vinod Rai Ko Padmanaath Mandir Sampatti Ke Audit Ka Aadesh

Nai Delhi: uchchatam nyaayaalaya ne vitteeya aniymittaaon ke aaropon se ghire Kerala ke prasiddh shreepadmanaath svaami mandir ki sampatti ka poorv niyantrak evam mahaalekha pareekshak vinod rai ki dekharekh mein vishesh audit ka guruvaar ko aadesh diya. Iske alaava nyaayaalaya ne tiroovanantapuram ke jila nyaayaadheesh ki adhyakshata mein ek nai prashaasanik samiti ka gathan bhi kiya hai. nyaayaalaya ne spasht kiya hai ki agale aadesh tak 'Mandir ki koi bhi sampatti bechi naheen jaaegi ya kisi bhi tareeke se usaka nishpaadan naheen kiya jaaega' aur yadi jila nyaayaadheesh hindu samudaaya ke alaava kisi anya samudaaya ka hoga to jile mein hindu aastha vaale doosare varishthatam nyaayaadheesh prashaasanik samiti ki adhyakshata kareinge. nyaayamoorti aar M lodha aur nyaayamoorti A ke patanaayak ki khandapeeth ne kaha ki prashaasanik samiti ke anya sadasyon mein mandir ke 'Tantri' is samay sateesh nanboodareepaad honge aur jila nyaayaadheesh do anya sadasyon ka chayan kareinge. Inmein se ek sadasya ka manonayan raajya sarkaar karegi. nyaayaalaya ne mandir ke prabandhan ke punargathan par jor dete hue spasht kiya ki maujooda trastiyon ki dekharekh mein mandir ka kaamkaaj theek naheen hai. nyaayaadheeshon ne kaha, 'Maujooda trasti buri tarah asafal rahe hain aur unhein badalna hi hoga. Yadi ham unheen vyaktiyon ko fir mauka dein aur fir unhein mandir ka kaamkaaj saunpein to Bhagwan hi mandir ko bachaaega. ' nyaayaadheeshon ne kaha, 'Unhein vyaapak janahit aur mandir ke hit ko dhyaan mein rakhana hai. ' nyaayaalaya ne antarim aadesh paarit karte hue naukarashaah sateesh Kumar ko shreepadmanaath svaami mandir ka kaaryakaari adhikaari niyukt kiya jo dainik kaaryon ki jimmedaari dekheinge. Sateesh Kumar ko trishoor mein guruvaayur mandir ke prabandhan ka anubhav hai.

Poorv Niyantrak Mahaalekha Pareekshak Vinod Rai Ko Padmanaath Mandir Sampatti Ke Audit Ka Aadesh http://www.angrejinews.com/pic/48488