Poorv Bhaarateeya Tej Geindabaaj Bhandaari Par Hamla, Aspataal Mein Bharti

Cricket »

Poorv Bhaarateeya Tej Geindabaaj Bhandaari Par Hamla, Aspataal Mein Bharti

Nayi Delhi, 11 February (bhaasha) Bhaarat ke poorv tej geindabaaj aur DDCA ki senior chayan samiti ke adhyaksh amit bhandaari par Delhi senior team ke seint steefans maidaan par chal rahe abhyaas ke dauraan somvaar ko agyaat vyaktiyon ne hamla kiya. bhandaari ke sir aur kaan mein chotein lagi hain aur unhein unke saathi sukhavindar Singh civil lines sthit sant paramaanand aspataal le gaye. Hamlaavar police ke pahunchane se pehle hi faraar ho gaye. police upaayukt (uttar) nupur prasaad ne kaha, ''Ham is maamale ko dekh rahe hain tatha peedit ka bayaan darj karne par maamala darj kiya jaaega. Delhi aur jila cricket sangh (DDCA) ke adhyaksh rajat sharma ne press trast se kaha ki doshiyon ko chhoda naheen jaayega . unhonne kaha ,''Ham ghatna ka byaura le rahe hain . Jahaan tak mujhe pata chala hai ki yeh ek baahar kiye gaye khilaadi ka kaam hai jise raashtreeya under 23 tournament ke liye sambhaavit khilaadiyon mein naheen rakha gaya . '' unhonne kaha ,'' sthaaneeya police thaane ka esaechao seint steefeins maidaan par pahunch gaya hai aur mainne Delhi police aayukt amoolya patanaayak se khud baat ki hai. Doshiyon ko bakhsha naheen jaayega. Jo bhi is ghatna mein shaamil hai, uske khilaaf sakht kaarravaai ki jaayegi. Ham FIR daayar kareinge. '' rajat sharma aspataal jaakar bhandaari se bhi mile. Unhonne kaha, ''Vah stabdh hain aur yeh svaabhaavik hai. Chikitsakon ne kaha ki unhein ehatiyaat ke taur par 24 ghante ke liye nigraani mein rakha jaaega. '' unhonne kaha, ''Jin logon ne hamla kiya ve un par ek khilaadi ka chayan karne ke liye dabaav bana rahe the jo yogyata ke aadhaar par under-23 team mein jagah naheen bana paaya tha. Amit ne daava kiya hai ki ek hamlaavar ne dhamaki di ki uske paas rivaalvar hai. '' Delhi ke senior aur under 23 manager shankar saini ne is ghatna ke baare mein kaha ,'' main teint ke bheetar ek saathi ke saath khaana kha raha tha . Bhandaari aur anya chayanakarta senior team ke coach mithun manhaas ke saath trial match dekh rahe the . '' unhonne bataaya ,''Do log aaye aur bhandaari ke paas gaye . Unki bhandaari se teekhi bahas hui aur ve turant chale gaye . Iske baad 15 log hockey stick, lohe ki chhadein aur cycle ki chen lekar aaye . '' unhonne kaha ,'' trial mein bhaag le rahe ladke aur ham bhandaari ko bachaane daude . Unhonne hamako bhi dhamaki di aur kaha ki ismein na pado varana goli maar deinge . Unhein bhandaari ko hockey stick aur chhadon se maara . Use sir mein chot lagi hai . '' yeh poochhane par ki yeh kiska kaam ho sakta hai, saini ne kaha ,''Main us samay vahaan naheen tha jab ye donon ladke bhandaari ke paas aaye . Bhandaari jab police ko bayaan deinge, tabhi pata chal sakega . '' Delhi cricket bhrashtaachaar aur vibhinn aayuvarg mein chayan mein aniyamitataon ke aaropon se hamesha ghira raha hai.

Poorv Bhaarateeya Tej Geindabaaj Bhandaari Par Hamla, Aspataal Mein Bharti http://www.angrejinews.com/pic/254068