Pooja Bhatt Ko Dhamaki Bhare Phone Call

Movies »

Pooja Bhatt Ko Dhamaki Bhare Phone Call

Mumbai: Abhinetri va filmkaar pooja bhatt ko ek agyaat vyakti ne phone par dhamaki di aur abhadr tareeke se baat ki. Unhonne Budhvaar ko yahaan Bandra police thaane mein phone karne vaale agyaat vyakti ke khilaaf shikaayat darj karaai. Pooja ne Budhvaar subah twitter par apni shikaayat saajha karte hue likha, "Mujhe 8308984111 number se dhamaki va abhadrata bhare phone calls aae. Yeh kisi purush ki aavaaj thi. Vah spasht roop se nashe mein tha aur usane mujhse abhadrata se baat ki va mujhe dhamaki di. " unhonne turant police ko soochit kiya lekin unka aisa karna vyarth gaya. Pooja ne kaha, "Mainne 100 number par shikaayat ki. Doosari or se kisi mahila ne baat ki. Usane mujhe sameep ke thaane jaane ke liye kaha aur kaha ki vah is sambandh mein kuchh naheen kar sakateen. Jab mainne unhein bataaya ki raat ke ek bajne vaale hain aur mere liye akele thaane jaana sambhav naheen hai, tab unhonne bahut ashisht vyavahaar kiya. " Is beech is number se unhein lagaataar phone call aate rahe. Pooja ke pita va filmkaar mahesh bhatt ne bhi kaha ki unhein bhi nau January ko raat 12.35 baje isi number se phone call aaya tha. Unhonne kaha ki ek saajish ke tahat aisa kiya ja raha hai.

Pooja Bhatt Ko Dhamaki Bhare Phone Call http://www.angrejinews.com/pic/247