Poland Mein Pakade Gaye Huaavei Ke Karmachaari Ko Raajanayik Sahaayata Dena Chaahata Hai Cheen

Business »

Poland Mein Pakade Gaye Huaavei Ke Karmachaari Ko Raajanayik Sahaayata Dena Chaahata Hai Cheen

Beijing , 12 January (eefapi) cheen sarkaar ne Poland mein guptachari ke aarop mein giraftaar cheeni doorasanchaar company huaavei ke karmachaari vaang veijing ko apne raajanayik mission se sampark ki suvidha diye jaane ki maang ki hai. Yeh jaankaari cheen ke media ki khabaron mein di gayi hai. cheen ke sarkaari TV channel CCTV ne videsh mantraalaya ke havaale se ek rapat mein kaha ki cheen sarkaar vaang veijing ki giraftaari ke maamale par '' achhi tarah dhyaan rakhe hue hai. '' rapat ke mutaabik cheen ne Poland se maang ki hai ki uske raajanayik mission ke adhikaariyon ko giraftaar cheeni naagrik se 'Yatha sambhav sheegra milne' ki vyavastha karaayi jaae. vaarsa mein cheen ke dootaavaas ne vahaan ki sarkaar se kaha hai ki vaang veijing ke nyaayochit adhikaaron aur hiton ki raksha honi chaahiye tatha unke saath maanaveeya evam surakshit vyavahaar kiya jaana chaahiye. gat mangalvaar ko vaang veijing ke saath Poland ka ek naagrik bhi pakada gaya hai. Poland ki vishesh suraksha agency ke pravakta ne kaha ki in donon par cheen ki guptachar agencyon se jude hone aur Poland ke hit ko nuksaan pahunchaane vaale kaamon mein lipt hone ka sandeh hain. vaang veijing se pehle huaavei ki ek mahila adhikaari America ke anurodh par Canada mein vahaan ke adhikaariyon dvaara pakadi ja chuki hai. Uske baad cheen ne apne yahaan Canada ke do adhikaariyon ko raashtreeya suraksha ki drushti se giraftaar kar rakha hai. in ghatnaaon ke baad cheen mein raashtravaad ki bhaavana jor pakad rahi hai. Companiyaan apne karmachaariyon ko huaavei ke smaartafon khareedne ko protsaahit kar rahi hain. Companiyaan iske liye karmachaariyon ko sahaayata dene ki peshakash kar rahi hain. huaavei ne December mein kaha ki aisi ghatnaaon ke baavajood 2018 mein uske kaarobaar mein ek saal pehle ki tulana mein 21 pratishat badhotri ki ummeed hai. eefapi manohar sharadasharad.

Poland Mein Pakade Gaye Huaavei Ke Karmachaari Ko Raajanayik Sahaayata Dena Chaahata Hai Cheen http://www.angrejinews.com/pic/247320