Plane Masti 4 Tikt Mein Paaie 25 Parseint Chhoot

Business »

Plane Masti 4 Tikt Mein Paaie 25 Parseint Chhoot

Vishesh samvaadadaata, nai Delhi eviyeshan sector mein air Asia ki entry ke baad ab musaafiron ko lubhaane ke liye airlines ke beech nai skeemein laane ki hod shuroo ho gayi hai. Indigo ke baad ab spaaisajet ne ailaan kiya hai ki agar parivaar ke sadasya ya dost ekasaath milkar 4 se lekar 9 ke group mein jaane ke liye air tikt book karaate hain, to unhein base kiraae mein 25 feesadi tak ki chhoot milegi. Basharte safar se tay din pehle tikt book karaaya gaya ho, lekin nyoonatam chhoot 15 feesadi hogi. Spaaisajet ke pravakta ne bataaya ki is skeem ke tahat kam se kam 4 aur adhiktam 9 logon ka ek saath tikt book karaaya ja sakta hai. Lekin yeh skeem sirf ghareloo yaatra ke liye hi hai. Spaaisajet ka kehna hai ki agar ek saath parivaar ke sadasya ya fir dost milkar kaheen safar karte hain, to spaaisajet unhein yeh chhoot dega. Yeh chhoot base kiraae ke alaava anya tax ya fir chaarjej par laagoo naheen hogi, yaani ve sabhi shulk jyon ke tyon musaafir ko dene honge. Udaaharan ke liye agar Delhi se Mumbai ke liye 4 log milkar shanivaar ki spaaisajet ki flight ka tikt khareedte hain to unhein chaaron paiseinjaron ke liye base price ke roop mein 31 hajaar 364 rupaye dene honge, lekin agar yeh skeem laagoo naheen hoti to in chaar paiseinjaron ko base kiraae ke roop mein 38 hajaar 720 rupaye dene hote. Is tarah se skeem ke tahat safar karne vaale chaar paiseinjaron ka poora kiraaya 36 hajaar 368 rupaye banta hai, jabki bina skeem ke yeh kiraaya 44 hajaar rupaye banta. Is tarah se base kiraae mein chhoot ka 7300 rupaye se jyaada ka faayda hoga.

Plane Masti 4 Tikt Mein Paaie 25 Parseint Chhoot http://www.angrejinews.com/pic/50131