Pita Ke Naam Ka Sahaara Kabhi Naheen Loonga Tiger Shrauf

Breaking »

Pita Ke Naam Ka Sahaara Kabhi Naheen Loonga  Tiger Shrauf

Mumbai: Bollywood abhineta jaiki shrauf ke bete tiger shrauf ne kaha hai ki ve film paane ke liye apne pita ke naam ka istemaal naheen kareinge. Tiger shrauf film 'Heeropanti' se filmi career ki shuruaat kar rahe hain. tiger ne ek saakshaatkaar mein kaha, apni jindagi mein kabhi bhi main apne pita ke naam ka istemaal naheen karoonga, balki iski jagah main khud ko maar daaloonga. Mere pita keval meri pehli film tak mere pita hain, uske baad main khud par nirbhar hoon. Kisi ko doosra mauka naheen milta. Pehla prabhaav, antim prabhaav hota hai. Tiger (23) saajid naadiyaavaala ki film 'Heeropanti' se filmi duniya mein kadam rakh rahe hain. Vah keerti sanon ke saath is film mein najar aaenge. apne parivaar ke dvaara kisi film mein naheen lene ke savaal par tiger ne kaha, meri maan producer theen. Unhonne is baare mein kabhi naheen socha. Mujhe hamesha baahar se prastaav aate rahe, is par dhyaan kyon naheen diya jaata kyonki mujhe ghar se koi bhi prastaav naheen mil raha tha. Shaayad kabhi ham saath mein kaam kareinge. bachapan mein tiger apne pita ki film ke set par jaaya karte the. Us samay ki kuchh baaton ka jikr karte hue unhonne kaha, gardish film ki shooting chal rahi thi. Ismein ladaai ka ek drushya tha, jismein gunde mere pita ko buri tarah peet rahe the. Main apne pita ko bachaane ke liye dauda tabhi kisi ne yeh kehte hue mujhe roka ki yeh sirf ek film hai, hakeekat naheen. unhonne kaha, jab main film mein maadhuri Dixit aur apne pita ko saath dekhta tha to mujhe yeh sochakar jalan hoti thi ki ve vivaahit hain aur meri maan ke pati hain. Main sochata tha vah yeh naheen kar sakte.

Pita Ke Naam Ka Sahaara Kabhi Naheen Loonga Tiger Shrauf http://www.angrejinews.com/pic/49876