Pentagon Dokalaam Ka Jikr Kar Cheen Ki Rananeeti Ko Lekar Di Chetaavani

Breaking »

Pentagon Dokalaam Ka Jikr Kar Cheen Ki Rananeeti Ko Lekar Di Chetaavani

Rajat pandit, nai Delhi America ne ek baar fir cheen ki vistaaravaadi neetiyon ko lekar badi chetaavani di hai. Is baare mein bataate hue America ne dokalaam ka bhi jikr kiya hai. America ka yeh bayaan aise samay par aaya hai, jab agale hafte cheen ke raksha mantri Bhaarat daure par aane vaale hain. Bata dein ki dokalaam ke mudde par Bhaarat aur cheen ki senaaen ek baar aamne-saamane aa chuki hain. Ameriki sansad ke saamane apni report mein Pentagon ne kaha ki cheen apne padosiyon ke saath poorn sashastr sangharsh ko uttejit karke apni kshetreeya sthirta ko khatre mein naheen daalna chaahata hai. Padosi deshon se vyaapaar hi cheen ke aarthik vikaas ka bada aadhaar hain. Lekin apni badhti aarthik, raajanayik aur sainya taakat ke aadhaar par cheen apne hiton ko aage badhaane ke liye 'Jabaradast upaayon' teji se aage badhaane ke liye taiyaar hai. Pentagon ne kaha ki dakshin aur poorvi cheeni samudron mein apne vistaarit kshetreeya aur samudri samprabhuta ke daavon ko lekar cheen ka sashastr sangharsh spasht hai. Pentagon ne kaha ki pichhle saal Bhaarat-bhootaan-cheen ki seema par dokalaam ko lekar bhi Bhaarat au cheen ki senaaen 73 dinon tak ek-doosare ke aamne saamane rahi hain. 130 pannon ki is report mein is baat ka bhi jikr kiya gaya hai ki kaise cheen militri ke naveeneekaran ko lekar aage badh raha hai. Ismein lambi doori ki misaail, nyookliyr baumbar aur sabamareen se lekar saayabar aur space ka bhi jikr kiya gaya hai. Bata dein ki Bhaarat aur America September mein 2+2 dialogue karne vaale hain. Raksha mantri nirmala seetaaraman aur videsh mantri Sushma Swaraj apne ameriki samakaksh jim maitis aur Mike paumpiyo ke saath nai Delhi mein 6 sintabar ko baat kareingi. Nishchit taur par America Bhaarat ko is maamale mein apne paale mein rakhana chaahata hai. Hind prashaant kshetr mein cheen ki ugr neetiyon ke virodh mein America Japan aur Australia ke saath Bhaarat ko saath lekar ek chaturbhuj banaana chaahata hai. America ne Bhaarat ko roosi hathiyaar khareedne ki bhi chhoot de di hai. Haalaanki Bhaarat is maamale mein filhaal koi paksh lene ke mood mein naheen hai. Bhale hi isse Bhaarat aur America ke sainya sambandhon mein majabooti aaegi. Elaesi par cheen ki harkaton aur hind mahaasaagar kshetr mein cheeni navy ke tainaati ke baavajood Bhaarat cheen ke videshamantri ka 21 se 24 August tak svaagat karne wala hai.

Pentagon Dokalaam Ka Jikr Kar Cheen Ki Rananeeti Ko Lekar Di Chetaavani http://www.angrejinews.com/pic/218924