Pemeint Na Milne Par Delhi Ki Bijli Rok Sakti Hai NTPC Supreme Court

Business »

Pemeint Na Milne Par Delhi Ki Bijli Rok Sakti Hai NTPC Supreme Court

nai Delhi 1 June se Delhi ko bhayankar bijli sankat ka saamana karna pad sakta hai. Supreme court ne Delhi ki bijli companiyon ko bijli saplaai karne waali NTPC ko nirdesh diye hain ki agar ve companiyaan use bakaaya rakam ka bhugataan naheen karti hain to bijli dena band kiya ja sakta hai. Reliance anil dheerubhaai Ambani group ki companiyon BSES yamuna aur rajdhani par NTPC ke karodon rupaye bakaaya hain. Supreme court ne kaha hai ki agar ye companiyaan 31 May tak bakaaya rakam ka bhugataan naheen karti hain to NTPC bijli dena band kar sakti hai. Agar aisa hota hai to Delhi andhere mein doob sakti hai. Garmi ka mausam hone ki vajah se dilleevaalon ki mushkilein aur badh jaaengi. Gaurtalab hai ki beete guruvaar ko Delhi ko bijli saplaai karne waali NTPC ne Supreme court se BSES yamuna aur rajdhani ko ki ja rahi bijli ki saplaai ko regyulet karne ki ijaajat maangi thi. NTPC ka kehna tha ki ye companiyaan jitni bijli Delhi mein distribution ke liye le rahi hain, uske badle mein kam pemeint kar rahi hain. Iske javaab mein donon companiyon ka kehna tha ki unhonne bakaaya rakam ka bada hissa NTPC ko chuka diya hai aur baaki paisa sarkaar se milne ke baad chukaaya jaaega. Magar NTPC ke vakeel ka kehna tha ki ek bade indastriylist ki companiyaan hone ke baavajood 26 March ke baad se ek paise ki pemeint naheen kai gayi hai. NTPC ke mutaabik companiyon par 800 karod rupaye bakaaya hain. NTPC ke vakeel KK venugopaal ka kehna tha, 'Companiyon se milne waali pemeint ka 75 feesadi hissa kol India limited ko diya jaata hai, jahaan se koyala khareeda jaata hai. Agar ye donon companiyaan pemeint naheen karti hain to NTPC ka badarapur plant bijli paida naheen kar paaega. ' aise mein unhonne Supreme court se maang ki thi ki vah apne us puraane faisale ko tabdeel kare, jismein Delhi ko bina kisi rukaavat ke bijli dene ke liye kaha gaya tha. NTPC chaahati thi ki vah bijli saplaai ko control kar sake. Ab Supreme court ne NTPC ko in companiyon ko di ja rahi bijli ko rokane ka adhikaar de diya hai, basharte ye companiyaan 31 May tak bakaaya rakam ka bhugataan naheen karti hain.

Pemeint Na Milne Par Delhi Ki Bijli Rok Sakti Hai NTPC Supreme Court http://www.angrejinews.com/pic/49747