Pehli Baar ICC Van-de Ranking Mein Sheersh 10 Mein Pahunche Suresh Raina

Breaking »

Pehli Baar ICC Van-de Ranking Mein Sheersh 10 Mein Pahunche Suresh Raina

Dubai: Mehmaan England team ke khilaaf haal hi mein sampann hui ek-divseeya shrunkhala mein shaanadaar pradarshan ki badaulat bhaarateeya ballebaaj suresh raina 15 sthaanon ki lambi chhalaang lagaate hue ek-divseeya cricket ki ballebaajon ki ICC ranking mein apne career mein pehli baar sheersh 10 mein jagah banaane mein safal rahe hain. England ke khilaaf paanch maichon ki shrunkhala mein main of the series rahe suresh raina career ke sarvashreshth 669 rating ankon ke saath 10vein sthaan par hain. Raina ne shrunkhala mein 92.33 ki ausat se 277 run banaae the. Shrunkhala ke do maichon mein ek arddhashatak ki madad se kul 87 run banaane vaale bhaarateeya ballebaaj rohit sharma do sthaan ke faayde se 54vein sthaan par hain. Sheersh 10 mein shaamil ek anya ballebaaj, jiski ranking mein sudhaar huaa hai, vah England ke kaptaan Alastair cook hain, jo ek sthaan ke faayde se saatavein paayadaan par pahunch gaye hain. Ballebaaji ranking mein dakshin Africa ke haashim amla sheersh par chal rahe hain, jabki unke hamavatan AB DeVilliers doosare aur Bhaarat ke viraat Kohli teesare sthaan par hain. Geindabaajon ki ek-divseeya ranking mein Bhaarat ke Ishaant sharma 17 sthaan ke faayde se 50vein sthaan par pahunch gaye hain, tatha team India ke nae yuva tej geindabaaj bhuvaneshvar Kumar 31 sthaanon ki lambi chhalaang ke saath 73vein sthaan par aa gaye hain. Pakistan ke Saeed Ajmal geindabaajon ki soochi mein sheersh par hain, jabki team ke unke saathi mohammad hafeej doosare sthaan par hain. England ke khilaaf shrunkhala mein allround pradarshan karne vaale Ravindra jadeja ballebaaji ranking mein nau sthaan ke faayde se 56vein, aur geindabaajon ki soochi mein apne career ke sarvashreshth 663 rating ankon ke saath aathavein sthaan par hain. Jadeja saath hi all-rounderon ki soochi mein do sthaan ke faayde se paanchavein sthaan par pahunch gaye hain. Pakistan ke mohammad hafeej all-rounderon ki soochi mein sheersh par hain.

Pehli Baar ICC Van-de Ranking Mein Sheersh 10 Mein Pahunche Suresh Raina http://www.angrejinews.com/pic/428