Pehle Hafte Mein FII Ne Share Baajaaron Mein 4,500 Karod Rupaye Lagaae

Business »

Pehle Hafte Mein FII Ne Share Baajaaron Mein 4,500 Karod Rupaye Lagaae

Mumbai: Videshi sansthaagat niveshakon (FII) ne saal 2013 ke pehle saptaah mein bhaarateeya share baajaaron mein 4,500 karod rupaye ki bhaari-bharakam raashi nivesh ki hai. Ameriki senate dvaara 'Fiscal Cliff' ko taalane ke liye vidheyak ko manjoori ke chalte FII ka nivesh badha hai. SEBI ke aankadon ke anusaar FII ne 1 se 4 January, 2013 ke dauraan 8,350 karod rupaye moolya ke share khareede, jabki is dauraan unhonne 3,830 karod rupaye ke share beche. Is tarah se FII ka shuddh nivesh 4,520 karod rupaye ya 82.9 karod dollar raha. Videshi sansthaagat niveshakon ne 2012 mein bhaarateeya share baajaaron mein 1.28 lakh karod rupaye (24.4 arab dollar) ka shuddh nivesh kiya tha. Yeh FII ke nivesh ke lihaaj se doosra sabse achha saal raha. Isse pehle 2010 mein FII ne 1.33 lakh karod rupaye ka nivesh kiya tha. Baajaar vishleshakon ne kaha ki ameriki senate mein vidheyak paarit hone ke baad videshi niveshakon ne apni khareed gatividhiyaan badha di hain. Ek share broker ne kaha ki FII ke bhaari pravaah ki ek vajah is vidheyak ka paarit hona hai. Iske alaava sudhaaron ki ummeed se videshi niveshakon ka bhaarateeya share baajaaron ke prati aakarshan aur badh sakta hai. Sheyaron ke alaava FII ne chaaloo maheene mein abhi tak rin baajaaron mein 2,108 karod rupaye ka nivesh kiya hai. Is tarah unka kul nivesh 6,629 karod rupaye raha hai.

Pehle Hafte Mein FII Ne Share Baajaaron Mein 4,500 Karod Rupaye Lagaae http://www.angrejinews.com/pic/62