Patrakaaron Ke Raatribhoj Mein Obama Ne Putin Aur Khud Ka Majaak Udaaya

Breaking »

Patrakaaron Ke Raatribhoj Mein Obama Ne Putin Aur Khud Ka Majaak Udaaya

Washington: ameriki raashtrapati Barack Obama ne patrakaaron ke liye aayojit raatribhoj ke dauraan apne roosi samakaksh vlaadimeer putin ko lekar majaak banaaya tatha apni svaasthya seva neeti ko lekar bhi chutakula sunaaya. is raatribhoj ke dauraan Obama ne khoob hansi-majaak kiya. Unhonne apni mahatvaakaankshi svaasthya seva neeti par majaak karte hue kaha, 2008 mein mera naara tha 'Yas vi kain'. Saal 2013 mein yeh naara 'Control plas aalt plas dileet' ho chuka hai. Obama ne white house samvaadadaata sangathan ke raatribhoj mein 2,500 se adhik logon ke saamane bade hi chuteele mein andaaj mein apni baat rakhi. Darshak deergha mein kai hastiyaan, neta aur ameriki patrakaar shaamil hue. Is raatribhoj mein Obama ke saath unki patni Michelle bhi maujood theen. Obama ne putin ke Nobel puraskaar ki daud mein rahane ko lekar bhi majaak kiya. Unhonne kaha, sach kahoon, ve log in dinon kisi ko bhi (Nobel) de dete hain. Unhonne Republican party ko lekar bhi majaak karte hue kaha ki vipakshi dal ne is baat mein visheshajnyaata haasil ki hai ki mahilaaon se kaise baat karni hai.

Patrakaaron Ke Raatribhoj Mein Obama Ne Putin Aur Khud Ka Majaak Udaaya http://www.angrejinews.com/pic/49527