Pate Ke Pramaan Ke Roop Mein Passport Ki Maanyata Ho Sakti Hai Khatm

Breaking »

Pate Ke Pramaan Ke Roop Mein Passport Ki Maanyata Ho Sakti Hai Khatm

Nai Delhi Passport sambhavat: Ab pate ke vaidh pramaan ke roop mein kaam naheen karega. Daraasal, videsh mantraalaya ne yaatra dastovaj ke aakhiri panne par passport dhaarak ka pata prakaashit na karne ka faisala kiya hai. Bata dein ki passport ke aakhiri panne par dhaarak ke kaanooni abhibhaavak ka naam, pati/patni ka naam aur unka pata ankit hota hai. Videsh mantraalaya ne ek bayaan mein kaha, 'Passport ka aakhiri panna ab prakaashit naheen hoga, iseeaar (imigreshan check rikvaayard) sthiti vaale passport dhaarakon ko naarangi rang ke passport jacket ke saath passport jaari kiya jaaega aur gair-iseeaar sthiti vaale logon ko neele rang ka passport milta rahega. ' ek 3 sadasyeeya samiti ki sifaarishein manjoor kar faisala kiya gaya hai ki passport adhiniyam, 1967 aur passport niyam, 1980 ke tahat jaari kiye gaye yaatra dastaavejon ka aakhiri panna ab se prakaashit naheen kiya jaaega. Bata dein ki is samiti ke sadasyon mein videsh mantraalaya aur mahila evam baal vikaas mantraalaya ke adhikaari shaamil the. Bayaan ke anusaar samiti ne passport aavedanon se sambandhit vibhinn muddon ki sameeksha ki. Inmein is baat ki sameeksha shaamil thi ki kya maan/bachche ne is baat par jor diya hai ki passport mein pita ke naam ka ullekh na ho? Saath hi ismein ekal abhibhaavak ke bachche aur god liye gaye bachche se jude mudde bhi shaamil the. Nasik sthit bhaarateeya suraksha press (aaiesapi) nai passport pustikaaen taiyaar karega aur jab tak nae dastaavej taiyaar na ho jaaen, passport ke antim panne par pata prakaashit hota rahega. Maujooda passport ki miyaad passport pustika par ankit tithi tak bani rahegi.

Pate Ke Pramaan Ke Roop Mein Passport Ki Maanyata Ho Sakti Hai Khatm http://www.angrejinews.com/pic/188254